Sufragarase mediante subscrición popular e situarase no Cemiterio Vello a carón da tumba de Manuel Leiras Pulpeiro. A conta onde se recollen as doazóns para custear este monumento está aberta na entidade Abanca, baixo a denominación “Homenaxe a Cándido Carreiras”. O número é o ES 23 2080 0125 8130 4002 1721.
Mondoñedo, 30 de xaneiro de 2023. Ao cumprirse o pasado outono 75 anos do pasamento de Cándido Carreiras Domenech (Mondoñedo 1870 – 1947), o colectivo Memoria da Mariña xunto cun grupo de veciños e veciñas da comarca acordaron promover unha serie de actos para honrar a memoria deste político mindoniense, actos que culminarán o próximo día 15 de abril de 2023 coa inauguración dun monumento na súa memoria que se situará no lugar onde descansan os seus restos, no Cemiterio Vello de Mondoñedo, a carón da tumba do seu amigo e correlixionario, Manuel Leiras Pulpeiro.
Curiosamente, aínda que por tradición oral sempre se soubo en Mondoñedo que a tumba de Carreiras estaba nese lugar, non consta en ningunha documentación oficial o lugar exacto de enterramento.
O deseño do monumento é da autoría do artista mindoniense, Daniel Río ‘Caxigueiro’. Constará dun soporte de granito sobre o que se asentará unha lápida de mármore, e sobre esta unha póla vexetal fundida en bronce, simbolizando o paso do tempo e a memoria.
Cándido Carreiras Domenech, fiel desde os tempos da I República á causa republicana federal, íntimo amigo e protector da memoria do médico e poeta, Manuel Leiras Pulpeiro, foi xornalista, correspondente en Mondoñedo de varios xornais galegos, e rexentou negocios como unha xastrería e un bar-librería.
Axiña comeza a participar en política, o que lle valeu varios contratempos como detencións, agresións físicas, e incluso deportacións na época da ditadura de Primo de Rivera. A través de diferentes escritos que publicou ao longo da súa vida en diferentes medios, podemos asegurar que era un home profundamente preocupado polos problemas sociais do seu tempo, como a sangría migratoria que afastaba da terra á xente nova, a denuncia dos precarios medios de vida da xente do común ou a eternamente fracasada loita por un ferrocarril que conectase a costa lucense e o interior de Galicia.
Tras a proclamación da II República o 14 de abril de 1931, Carreiras, destacado membro do Comité Republicano Mindoniense, foi nomeado presidente da comisión xestora municipal con funcións de alcalde. Naqueles días, xunto cun numeroso acompañamento dirixiuse ao camposanto municipal e diante da tumba de Leiras (xa falecera en 1912) comunicoulle emocionado ao antigo correlixionario a grata novidade: Leiras, Leiriñas, chegou a nosa!
O 15 de agosto de 1936 foi detido xunto con outros mindonienses por orde do gobernador civil de Lugo, “por ser individuo de ideas republicanas y estar disconforme con el movimiento militar”.
Cándido Carreiras Domenech foi afortunado se comparamos a súa sorte coa doutras vítimas do fascismo que acabaron paseadas e asasinadas ou sometidas a consellos de guerra que lles depararon sentenzas con duras penas.
A súa causa foi sobresida e pouco tempo despois da detención quedou en liberdade, máis os anos derradeiros da súa vida padeceu penalidades de todo tipo, mesmo de subsistencia, e a súa memoria quedou borrada da historia ata o punto de non sabermos documentalmente a día de hoxe onde se sepultaron os seus restos.
Co monumento que se proxecta, que se situará cabo do doutro referente fundamental para a memoria cívica de Mondoñedo e de toda Galicia, Manuel Leiras Pulpeiro, preténdese honrar o bo nome dun home xeneroso, o primeiro alcalde de Mondoñedo da breve etapa democrática da II República, e un combativo defensor pola democracia e as liberdades.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
