O Goberno local adianta algunhas das actividades do programa deste ano, que se anunciará nas próximas semanas
Viveiro, 3 de febreiro de 2023. A alcaldesa de Viveiro, María Loureiro, e a concelleira de Cultura, Lara Fernández Fernández-Noriega, presentaron hoxe o cartel do Entroido 2023 e adiantaron algunhas das actividades que incluirá esta celebración. No marco desta festa, o Concello anuncia a organización do concurso de disfraces do desfile de Entroido.
“O Entroido é, sen dúbidas, unha das datas máis sinaladas en Viveiro. Agardamos que tanto os nosos veciños e veciñas, como a xente que nos visita nestes días, desfruten do ambiente da nosa vila”, sinala María Loureiro, alcaldesa de Viveiro.
O certame de disfraces contempla categorías de adultos (carrozas, comparsas, grupos, parellas e individual) e infantil (individual, parellas e grupos). Unicamente será posible inscribirse nunha categoría.
O prazo de inscrición ao desfile abrirase o próximo xoves 9 de febreiro e pecharase o 19 do mesmo mes. As inscricións tramitaranse achegando a documentación recollida nas bases do certame no rexistro ou na sede electrónica do Concello de Viveiro.
O Concello de Viveiro concederá premios aos catro mellores participantes en cada categoría, cun premio de 700 euros para a mellor carroza. En total, repartiranse case 7.000 euros en premios entre todas as categorías.
Tamén se concederá un premio especial ao humor e á orixinalidade, entre todos os participantes da categoría adultos. Por último, o Concello de Viveiro outorgará unha axuda especial por un importe máximo de 200 euros a cada unha das carrozas participantes no desfile.
Principais datas do programa
A falta de pechar o programa definitivo, o Concello de Viveiro sinala algúns dos principais eventos do Entroido 2023. “Como é habitual, traballamos nun programa que chegue a todas as franxas de idade e no que se transmita o espírito do Entroido viveirense”, detalla a concelleira de Cultura, Lara Fernández Fernández-Noriega.
Os actos comezarán o xoves 16 co xoves de comadres, no que colaboran os locais de hostalaría do Centro Comercial Casco Histórico de Viveiro. O sábado, 18 de febreiro, celebrarase o Certame de Alpuxarradas, no que tamén se repartirán premios.
O día da cativada será o luns 20 de febreiro, coa Festa Infantil na Praza Maior. Ademais, organizaranse obradoiros temáticos tanto o domingo 19 como o luns 20 de febreiro. Doutra banda, o domingo pola tarde instalaranse inchables gratuítos nos Xardíns de Noriega Varela.
O martes, 21 de febreiro, será o día central de actos deste Entroido, co concurso de disfraces durante o desfile. Tras esta xornada de festa, o mércores celebrarase o enterro da sardiña, mentres que a rapazada poderá gozar do enterro da parrochiña.
A música, da man das charangas e outras agrupacións musicais, protagonizará todos os días de festa. Ademais, nesta edición, o Goberno local levará a animación musical a outros puntos de Viveiro, como Covas e Celeiro.
Está previsto que o programa completo sexa anunciado proximamente.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
