Foz, 3 de febreiro de 2023. AciaFozCCA sortea 1.500 en vales de compra na súa campaña de San Valentín, que ten lugar do 3 ao 14 de febreiro.
O presidente de AciaFozCCA, José Carlos Paleo, explicou que “aquelas persoas que estes días merquen nos 70 negocios que participan na campaña do día dos namorados entrarán no sorteo dos 20 premios que realizaremos o vindeiro 17 de febreiro ás 11 da mañá a través de Radio Foz”.
Paleo indicou que “son 10 vales de compra de 100 euros cada un e outros 10 vales de compra de 50 euros cada un”. E engadiu “agardamos que a xente faga as súas compras destas datas nos negocios locais, porque o comercio fai pobo”.
A campaña foi presentada nas últimas horas polo alcalde, Fran Cajoto, polo concelleiro de Comercio, Chema Linares, e polo presidente do colectivo empresarial, José Carlos Paleo.
San Valentín tamén conta en Foz cunha nova edición dos doces afrodisíacos que ofrecerán Xoyma e Amarena do 11 ao 14 de febreiro.
Baristas
AciaFozCCA colabora co IES de Foz durante o Campionato Internacional de Baristas, que se celebrará a vindeira semana. Varios establecementos hostaleiros asociados ofrecerán cafés especiais do 6 ao 12 de febreiro. Trátase de Augas Santas, Dandy, Marexada, O Muelle, Pizzería Xoíña, Tangarte e Xoyma.
Entroido
Ademais a Asociación de Comerciantes focense anima a gozar do Entroido de Foz e faino coa cartelería distribuída entre os seus asociados e asociadas. Isto é Foz. Aquí hai Carnaval foi o slogan elixido para a ocasión nunha vila que durante meses prepara o seu Entroido coa elección do Rei ou da Raíña, coa súa coroación e co desfile, que é un referente en toda contorna e en toda a provincia.
AciaFozCCA conta coa colaboración da Xunta de Galicia e do Concello de Foz para a organización de todas estas actividades.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
