Alfoz, 26 de febreiro, 2023. Dentro do Plan de Dinamización das Parroquias, o vindeiro mes de marzo levaranse a cabo 2 cursos de Primeiros Auxilios. O 12 de marzo na Escola de Bacoi e o 26 de marzo na Escola do Chao no Pereiro, ambos de 17:30h a 19:30h.
Gratuítos e impartidos por persoal sanitario cualificado. Abertos a todas as persoas interesadas en aprender técnicas básicas para saber reaccionar ante unha parada cardiorespiratoria, un atragantamento, unha hemorraxia, etc. pero tamén saber identificar os síntomas dun infarto ou un ictus, casos nos que o tempo de reacción é básico. Adquirir estes coñecementos pode marcar a diferenza e salvar vidas.
Para inscribirse só hai que chamar ao tfno do Concello, 982 558 001 (ext. 2) e elixir data e lugar do curso.
Desde hai anos o Concello de Alfoz conta coa aplicación Isocrona coa que se mapeou todo o municipio e se ubicaron casa por casa todas as vivendas de Alfoz, de xeito que os servizos de emerxencia: sanitarios, bombeiros, policía…contan cun programa no que non só se coñece con exactitude onde está cada unha das casas senón as condicións de acceso ou se presentan algún tipo de dificultade.
Isto supón que calquera veciño ou veciña, cando chama aos servizos de emerxencia pode decir o “nome da casa” e ten garantido que non se producirán erros coas direccións e, polo tanto, evitaranse perdas de tempo ou de recursos.
Hoxe en día cóntase con moitos recursos que nos ofrecen as novas tecnoloxías, como a app Isocrona, aproveitalos en beneficio da poboación e mellorar a asistencia sobre todo en situacións de emerxencia é fundamental.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
