O Grupo Municipal Popular avisa do risco que supón para os peóns o estado das beirarrúas da rúa Virxe do Camiño e a falta de visibilidade, polo deficiente deseño e mala ubicación dos contedores, na de Rafael Fernández Cardoso
Ribadeo, 17 de febreiro de 2023. A estas alturas, os veciños de Ribadeo sofren as consecuencias da falta de xestión do goberno local e da carencia de investimentos en infraestruturas básicas. O portavoz popular, Daniel Vega, pon como exemplo algúns dos asuntos abordados no pleno deste xoves. Sinala: “O primeiro deles foi o servizo público de abastecemento de auga potable, rede de saneamento e depuración para o noso concello. Despois de dezaseis anos de falta de xestión e de investimento, sabemos como está a rede de auga de Ribadeo: con cortes continuos. Agora hai que sacar a licitación o servizo e hai que falar en serio do tema, porque todos queremos un servizo de calidade e non soportar continuos cortes na vila e nas parroquias. Será a próxima corporación a que licite este servizo”.
Vega indica: “Tratamos tamén outros asuntos de importancia. Un deles, a falta de mantemento do pavillón da rúa Alfredo Deaño. Está completamente abandonado, ata o punto de que chove dentro. Ao mellor agora o BNG nos di que xa xestionou el para que parara de chover e que así non se dea ese problema no pavillón; hai que botarlle moita fe para crer que sexa verdade”.
“En canto ao campo de Outeiro da Devesa, incluso nos dixeron a cantidade que ían investir. Prometérono por activa e por pasiva, pero houbo máis notas de prensa que solucións se deron. Nós, dende a humildade e a responsabilidade, puxémonos en contacto co Fútbol Club Ribadeo para que puidera adestrar no campamento da Devesa. Menos mal que así teñen un campo de xogo, teñen vestiarios e un ximnasio. O goberno, do BNG, quedouse nas notas de prensa e no campo de Outeiro da Devesa non hai nada”.
Daniel Vega pregunta polo suposto investimento que se ía facer no hangar de piragüismo. Quere saber a canto ascendeu e se se firmou o contrato, porque é sabido “que hai que incrementar a cantidade orzamentada e que non se firmou o contrato; polo tanto, promesas e máis promesas, pero detrás das notas de prensa non hai nada”.
Os populares poñen de manifesto numerosas deficiencias nas rúas. Vega di: “Na rúa Virxe do Camiño hai un problema que se arrastra dende hai anos: beirarrúas totalmente abandonadas e ramplas con moito perigo. As persoas con mobilidade reducida non poden pasar por alí. Isto trae moitos problemas a moitos veciños. Igual que a falta de visibilidade que hai na rúa Rafael Fernández Cardoso, pola mala situación dos contedores e polo mal deseño dun paso de peóns moi pegado a unha curva. Hai risco de accidente. Hai que poñerlle solución canto antes, como nos dixeron moitos veciños”.
A lista de deficiencias é longa. O portavoz popular destaca: “Tamén hai un problema, que tampouco é de agora, que é a falta de xestión para novos aparcadoiros. O que temos en Ribadeo son lameiros. O BNG quérenos facer crer que o que hai xunto á estación de buses é un aparcadoiro; nós dicimos que é un lameiro. Ou o que hai ao lado do Gadis: lameiro de inverno e unha nube de po no verán. On na rúa Daniel Cortezón, en Pintor Fierros e nese gran aparcadoiro que anunciaron aos catro ventos e que realmente é un lameiro, no que a terra chega ás rúas. E o suposto aparcadoiro que se ía facer en Rinlo, pero que á hora da verdade o único que hai é unha promesa incumprida por parte deste goberno”.
Daniel Vega resume: “Nós, o que dicimos ao goberno local é que menos promesas e máis feitos; o único que fan en realidade é anunciar que van facer e despois non concretan en nada”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
