Ribadeo, 21 de febreiro de 2023. Milleiros de persoas ateigaron as rúas de Ribadeo para presenciar o gran desfile do Entroido, que repartiu preto de 4.500 euros en premios.
A chuvia fixo acto de presenza en varias ocasións, sobre todo, na exhibición que tivo lugar diante da Casa do Concello ao remate do percorrido, que aos participantes lles levou facer máis de dúas horas.
No Pazo de Ibáñez tivo lugar a entrega de premios. O xurado decidiu que o primeiro premio na categoría de charangas fose para A Folixa, de Vegadeo; o segundo premio foi para A Choca, de Ribadeo; e o terceiro premio foi para Ruxe Ruxe, de Vilaronte (Foz).
O premio honorífico á mellor mascarita foi para Saritísima do Horto.
O 1º premio na categoría de carrozas foi para Grupo Campillín; o 2º premio para Coco Loco; e 3º para Las chicas de Rocas.
En grupos adultos o 1º premio foi para Vaia Fochanca e o 2º para Circus Os de Barres.
Na categoría de parellas adultos o 1º premio foi para Sol e Lúa; o 2º para Influencers do Corral e o 3º para Pájaro Carpintero.
En individuais adultos o 1º premio foi para De Colección; o 2º premio foi para Colleiteiro; e o 3º para Mutante del Mar.
En grupos infantís o 1º premio foi para Loro Party e o 2º premio para Río; en parellas infantís o 1º premio levouno La Mejor Sinfonía e o 2º Naruto; e en individuais infantís o 1º premio recaeu na A Vendima; o 2º foi para El salón de mi casa e o 3º para Chica Golosina.
Na entrega de premios participaron os concelleiros de Cultura, Igualdade, Medio Ambiente e Desenvolvemento Local, Pilar Otero, Mónica Freire, Jorge Díaz e Pablo Vizoso, así como a presidenta e o xerente de Acisa, Carmen Cruzado e Jesús Pérez.
Desde ao organización, Concello e Acisa, agradeceron a participación das persoas anónimas que fan posible esta festa coa súa colaboración desinteresada ao longo do ano, así como ao persoal do Concello e de Acisa polo seu traballo e a todos os establecementos colaboradores.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
