Foz, 7 de febreiro de 2023. O alcalde de Foz, Fran Cajoto, pon en valor a aprobación definitiva das rotondas que se construirán en Cangas e reclamas as vías de alta capacidade para a comarca.
O rexedor municipal focego explica que “o Ministerio de Transportes, Mobilidade e Axenda Urbana (MITMA) vén de anunciar a aprobación definitiva do proxecto de trazado das dúas novas glorietas da N-642 en Cangas, cunha inversión superior aos 565.000 euros. O 31 de agosto do pasado ano 2022 publicábase no BOE a aprobación provisional do proxecto de trazado. Con esta aprobación definitiva o Ministerio xa pode proceder á expropiación dos terreos necesarios para a execución das rotondas, expropiación que agardamos que se leve a cabo o antes posible. Agradecemos á Secretaria de Estado o compromiso con Foz pois con este avance está a cumprir o primeiro dos anuncios que fixo na visita do pasado 13 de xaneiro. Rotondas de Cangas, Terceiro Acceso e mellora da intersección da Corredoira, un conxunto de actuacións que superan os 3,5 millóns de euros e que agardamos que canto antes pasen dos papeis á realidade”.
Ademais no Concello de Foz seguen pendentes do arranxo definitivo da N-642 na Areoura e o alcalde indica que “coa habilitación de dous carrís e a supresión da regulación semafórica o pasado venres aliviamos os atascos que se estaban a producir, pero está pendente o arranxo definitivo. Non nos podemos demorar, a N-642 é a nosa columna vertebral”.
Fran Cajoto engade que “a Nacional N-642 segue a ser a única vía que conecta a Mariña, ante o retraso na execución da autovía A-74 e da súa continuación, a VAC Costa Norte, responsabilidade da Xunta. A necesidade de infraestruturas fíxose máis patente ca nunca na nosa comarca despois do socavón da Nacional. Os concellos sabémolo ben, é hora de que as administracións autonómica e central estean á altura coa Mariña”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
