Viveiro, 24 de febreiro, 2023. A concelleira do BNG, Míriam Bermúdez, propón a creación dunha liña circular de autobús urbano en Viveiro, que conte cunha elevada frecuencia de paso para que sexa cómoda e útil, a prezo económico e que funcione de forma continuada facendo unha ruta circular constante.
Míriam Bermúdez quere conectar así as zonas máis habitadas do concello, entre elas Covas, Cantarrá, Misericordia, Landrove, Magazos, Xunqueira, Verxeles, Viveiro, Lodeiro e Celeiro, e que poderán ser aumentadas en caso de existir demanda. Unha proposta que se complementaría co resto de liñas de autobús xa existentes no rural quedando moito máis conectadas entre si.
“Queremos que Viveiro sexa máis habitable interconectando o Concello cun bus que sabes que está en ruta circular constante, sen preocuparte de horarios nin de coller e aparcar o coche, algo moi cómodo e útil que tamén reduciría atascos e aliviaría a falta de aparcamento”, incideu Míriam.
Míriam Bermúdez, pensando tamén no financiamento deste autobús ou microbús urbano, propón a elaboración do PMUS (Plan de Mobilidade Urbana Sostible) e poder así optar aos fondos Next Generation para a súa implementación, seguindo o exemplo de Concellos como Carballo, As Pontes ou Moaña.
Tamén hai apenas unhas semanas, aprobábase a moción do BNG para potenciar e publicitar as liñas de bus existentes coa colocación de postes informativos cos destinos, horarios e prezos nas paradas, así como a colocación de marquesiñas priorizando as de uso escolar. Para que esta medida estea aplicada só faltaría a execución por parte do Goberno Municipal, que cando quere actúa axilmente. Agardamos que non se demoren.
Polo exposto, o BNG de Viveiro a través da súa concelleira, Míriam Bermúdez, propoñerá no vindeiro pleno a aprobación do seguinte:
. Crear unha liña de autobús urbana que conecte os principais núcleos de poboación de Viveiro.
. Redactar un Plan de Mobilidade Urbana Sostible (PMUS) para opter financiación da UE.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
