Rouco condena que “a mala planificación presupostaria do goberno socialista” leve a aprobar unha transferencia de crédito de máis de 250.000 euros neste ano para facturas sen pagar do 2022”
Burela, 3 de febreiro de 2023. O Grupo Municipal Popular de Burela conseguiu sacar adiante no pleno deste xoves da corporación local unha iniciativa encamiñada a sacar das rúas de Burela o tráfico pesado que os populares prevén que se vai incrementar coa próxima posta en funcionamento da mina de caolín.
O voceiro popular, Manuel Rouco, explica que “dende o grupo de goberno – incluída a recentemente nomeada como alcaldable do PSOE, María del Carmen López- votaron en contra e xa advertiron que non a ían poñer en práctica, a pesar de saír aprobada no pleno. Isto demostra o pouco que lles importan os mecanismos democráticos e o máximo órgano de representación do Concello de Burela. E tamén evidencia claramente o perfil ditatorial que levan demostrando ao longo do mandato: ou se fai o que eles queren ou non se fai nada”, segundo condena o popular.
“Un alcalde en modo vacacional e unha candidata centrada en facer a lista para as vindeiras eleccións sorprendentemente votaron en contra de resolver a situación de Torrentes” para o que “o goberno local debe executar o que recollen as sentenzas xudiciais firmes que saben, dende o ano 2019 que teñen que cumprir”, explica Rouco.
“Debido a un erro no procedemento na incorporación da unidade de actuación de Torrentes dun proxecto complementario na época do bipartito, o Concello debe abonar máis de 600.000 euros aos propietarios das parcelas, sen contar tamén os intereses de demora. A cantidade podería dispararse, polo tanto, ata os 800.000 euros que terían que saír das arcas municipais: é dicir, dos petos dos veciños e veciñas de Burela. Tódolos concelleiros e concelleiras do grupo socialista decidiron adiar a solución a esta situación, incluída a alcaldable, o que da boa mostra de que o seu é un proxecto continuista” con respecto ao actual goberno, segundo considera o popular.
O Grupo Municipal Popular deixou claro en sede plenaria con respecto a esta situación que “nós a teriamos resolta antes de finalizar o primeiro ano de mandato” porque “entendemos que os veciños e veciñas de Burela non deben pagar polos erros á fronte da alcaldía do señor Llano na época do bipartito”.
A TRANSFERENCIA EXTRAXUDICIAL DE CRÉDITO MÁIS ALTA DE BURELA
Rouco explicou que “durante o pleno deste xoves tamén se aprobou unha transferencia extraxudicial de crédito, a máis alta de historia do Concello de Burela, que ascende a máis de 250.000 euros para pagar facturas que quedaron de pagar no ano pasado. Esta cantidade sae do presuposto municipal deste ano para facer fronte a unha mala planificación presupostaria do ano pasado.
Dentro desa contía, 66.000 euros pertencen a facturas que van ser pagadas de forma irregular; xa que pasaron xa máis de 60 días dende que foron rexistradas na sede electrónica do Concello”. Polo tanto, “eses profesionais e autónomos que prestaron servizos para o Concello de Burela van cobrar fóra de prazo”.
Facendo unha análise dos conceptos das facturas, os populares advirten de “facturas de gastos de panadería, supermercado, cantidades moi elevadas en copias de chaves e, incluso, unha que nos chamou particularmente a atención porque se corresponde cun gasto de máis de 2.300 euros en sprays de defensa policial adquiridos a unha empresa cuxa facturación principal é a de decoración de interiores e do que o departamento de Policía Local non ten constancia”. A este respecto, “o alcalde Llano non deu ningún tipo de explicación. É máis, dixo que non tiña por qué dar explicacións de onde se gastaban os cartos desas facturas”, condenan.
O PP, ÚNICO GRUPO EN LEVAR PROPOSTAS AO PLENO
“O Grupo Municipal Popular foi o único que levou iniciativas a este pleno demostrando, unha vez máis, que á alternativa de goberno real. Nesta ocasión, propuxemos sacar o tráfico pesado das rúas de Burela e solucionar os problemas da veciñanza, como é o dos afectados polo caso de Torrentes, pagándolles o que a xustiza recoñece que se lles debe”, conclúe Rouco.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
