“Temos claro que as nosas prioridades son resolver o problema do despoboamento e do deterioro total dos servizo públicos que nos están afectando a todos. Asumo este cometido cunha gran responsabilidade para volver a sermos o municipio referente da comarca”, afirmou
A Fonsagrada, 3 de marzo de 2023. O empresario do sector da hostalería e da alimentación natural da Fonsagrada e actual concelleiro do PP neste municipio, Bernardo Niño, encabezará a lista da formación popular de cara ás vindeiras eleccións de maio. E, faino, dixo, “co fin de dar a estabilidade que precisa o Concello”. O popular referiuse así “ao desgoberno que protagonizan na actualidade PSOE e BNG, marcado pola confrontación e pola falta de entendemento, o que repercute, remarcou, nunha falta de xestión clara”.
O alcaldable agradeceu a confianza da dirección provincial, así como a participación na súa presentación da secretaria xeral do PPdeG, Paula Prado. Neste senso, destacou que “temos que ser a alternativa”. “A Fonsagrada non pode continuar cuns dirixentes que nin xestionan, nin crean servizos e, moito menos, cun goberno no que cada un vai polo seu lado. Isto vémolo todos os fonsagradinos. Por iso, asumo este compromiso e o de facer un bo equipo no que o traballo sexa a nosa folla de ruta para dar resposta ás necesidades das parroquias e tamén do núcleo urbano”, manifestou.
Niño Neira, como empresario e concelleiro ten experiencia na xestión e é coñecedor dos problemas que afecta ao municipio e aos seus veciños. “Temos claro que as nosas prioridades son resolver o problema que temos co despoboamento e co deterioro total dos servizo públicos que nos están afectando a todos. Asumo, pois, este cometido cunha gran responsabilidade para volver a sermos o municipio referente da comarca”, sinalou.
PAULA PRADO: “A FONSAGRADA MERECE E NECESITA UN GOBERNO DO PP”
Pola súa banda, a secretaria xeral do PPdeG, Paula Prado, quixo poñer en valor a “experiencia” de Bernardo Niño e o seu “coñecemento dos problemas que afectan ao municipio e aos veciños”, e mostrouse convencida de que “o próximo 28 de maio os veciños da Fonsagrada terán por fin o goberno que merecen e necesitan” da man do candidato popular.
Recordando que nas últimas eleccións o PP foi a forza máis votada neste municipio, a número dous dos populares galegos animou a Bernardo Niño e ao seu equipo a “coller toda as forzas, as ganas e a ilusión para conseguir obter a maioría absoluta que permita á Fonsagrada tinguirse de azul”.
Asegurou tamén que votar ao PSOE nas eleccións municipais supón “votar a favor de Pedro Sánchez e das súas políticas”, polo que “o 28 de maio os fonsagradinos terán a oportunidade de dicir non ao socialismo e a Pedro Sánchez e de dicir si á estabilidade, á responsabilidade e á política útil que representa o PP”.
“Os veciños da Fonsagrada merecen e necesitan un goberno do PP porque levamos anos sendo un referente en Galicia, agora con Alfonso Rueda á fronte e moi pronto, da man de Alberto Núñez Feijóo, un referente para toda España”, concluíu.
EN CLAVE DEPUTACIÓN
Mentres, dedde a dirección provincial agradeceron a disposición do alcaldable, “pois estamos nun Partido Xudicial clave para outro dos retos que temos como partido, acadar a gobernabilidade na Deputación de Lugo”.
Así o manifestaron tanto o secretario xeral, Javier Nodal, como o coordinador xeral, José Manuel Balseiro. “Os veciños da Fonsagrada teñen que saber que apoiar ao PP é apostar polo cambio; o contrario é continuar cuns dirixentes que só se unen para acadar a Alcaldía ou a presidencia da Deputación, pero despois á hora de gobernar nin eles mesmos se entenden. Todos coincidimos en que os veciños deste municipio non merecen un goberno que nin sequera se entende para aprobar os Orzamentos”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
