Ribadeo, 17 de marzo de 2023. O vindeiro luns, 20 de marzo, haberá unha reunión participativa para o deseño dun produto sostible. A actividade enmárcase dentro do proxecto Ribadeo Circular.
O concelleiro de Desenvolvemento Local, Pablo Vizoso, explicou que “logo da posta en marcha do programa Ribadeo Circular no que participaron distintos axentes da hostalaría e restauración e do que saíron diferentes propostas de desenvolvemento a nivel local para os establecementos comprometidos coa economía circular e sostibilidade do turismo, o Concello de Ribadeo segue a apostar por esta liña de traballo”.
O edil ribadense dixo que “é por iso que, ao fío das iniciativas identificadas durante o desenvolvemento do programa de cara á transición circular, o vindeiro 20 de marzo convócase unha reunión participativa para deseñar de forma conxunta un produto sostible en Ribadeo, como sería un menú ou experiencia sostible”.
Vizoso Galdo indicou que “esta reunión centrarase en recoller achegas e tomar decisións para definir os criterios desta nova iniciativa, como unha vía de impulso e posta en valor do compromiso dos negocios locais cun turismo máis sostible, co apoio do Concello de Ribadeo. Ademais nesta reunión comentaranse tamén outras necesidades detectadas no programa”.
E engadiu que “desde o Concello de Ribadeo invitamos a todas aquelas persoas interesadas a participar na reunión, que terá lugar o 20 de marzo de 9:30 a 11:30 na Casa de Viejo Pancha (Rúa de Viejo Pancho, 12. Primeiro Andar, onde está a Área de Cultura)”.
Pódese confirmar a asistencia na seguinte dirección: info@alenlab.com, no teléfono 698 170 240
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
