A subdelegada destacou o labor que levan a cabo na zona rural as 72 mulleres que pertencen á Garda Civil e salientou o avance nos últimos anos na incorporación da muller ás forzas e corpos de seguridade
Burela, 7 de marzo de 2023. A subdelegada do Goberno en Lugo, Isabel Rodríguez, enxalzou hoxe na Casa da Cultura de Burela o importante labor que desenvolven as mulleres que traballan na Comandancia da Garda Civil de Lugo. Fíxoo durante a inauguración da mesa redonda `Ámbito rural, mulleres e Garda Civil tres realidades con futuro´ organizada pola Garda Civil, coa colaboración do Concello de Burela, con motivo do 8-M. No acto tamén participou o alcalde de Burela, Alfredo Llano; e o tenente coronel da Garda Civil en Lugo, Julio Javier González Chas.
Isabel Rodríguez subliñou, ante máis de 520 alumnas dos IES Perdoumo e Monte Castelo de Burela, que para as mulleres “non existen barreiras que non poidamos rompen nin na Garda Civil nin no resto de ámbitos da sociedade”. Nesta liña, agradeceu ás estudantes, profesorado e equipo directivo a súa participación nesta actividade “porque as escolas e institutos son os mellores espazos onde inculcar e fomentar os valores da igualdade”.
Na súa intervención, a subdelegada destacou o traballo que levan a cabo na zona rural da provincia de Lugo as 72 mulleres que pertencen á Garda Civil e salientou o avance nos últimos anos na incorporación da muller ás forzas e corpos de seguridade. “Debemos continuar traballando nesta liña, por unha igualdade de xénero efectiva que favoreza o acceso real da muller a todos os destinos e postos, incluídos os de maior risco ou responsabilidade”, apuntou.
Así mesmo, puxo en valor este tipo de iniciativas que amosan a gran implicación e compromiso das forzas e corpos de seguridade cos temas de debate e preocupación da sociedade, visibilizando a imaxe da muller dentro da Institución, intimamente ligada ao ámbito rural.
“Con esta mesa redonda volvemos proclamar alto e claro que imos seguir empuxando para que as mulleres teñan o papel principal que merecen na sociedade e para que se eliminen as trabas á igualdade”, rematou a subdelegada.
A xornada foi escenario dun intercambio de experiencias moderado pola comandante de posto de Baralla, sarxento Ana Isabel Caleya; entre a cabo primeiro do Subsector de Tráfico Mónica Revilla Celeiro, a garda civil do Subsector de Tráfico Jessica Veiga Rielo, as gardas civís do posto de Foz María Sherezade Lamas Barroso e Eva López Gómez, e a garda civil do servizo de intervención rápida Eva Autrán Romero.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
