Ribadeo, 28 de marzo de 2023. O Concello de Ribadeo, a través da especialidade de Dinamización, Programación e Desenvolvemento de Actuacións Culturais do obradoiro de emprego Vilas Coidadoras, que na actualidade se está a desenvolver conxuntamente co Concello de Barreiros, vai por en marcha un proxecto de fomento da lectura dirixido ás persoas adultas maiores.
O concelleiro de Desenvolvemento Local, Pablo Vizoso, explicou que “o Concello quere con este proxecto devolver ao libro e a lectura o valor principal que merece como recurso social, democrático, fonte de coñecemento, de creación de espazos de socialización e de goce así como estimular a memoria e a activación intelectual dirixido principalmente ás persoas do rural. Para elo crearemos una biblioteca nalgunha das parroquias do rural de Ribadeo coa fin de facilitar o acceso aos libros, a creación dun espazo de acceso ao coñecemento así como un lugar de reunión, fomento da lectura e lecer”.
O edil ribadense indicou que “para a posta en marcha desta iniciativa contaremos coas diferentes asociacións do rural para a súa xestión. Con este fin o Concello poñerase en contacto coas distintas asociacións das parroquias para darlles a coñecer o proxecto, contrastar o posible interese en acollelo e colaborar no seu mantemento e xestión no tempo, xa que a idea é que unha vez rematado o obradoiro, aló polo mes de setembro, sexan os propios veciños e veciñas da parroquia na que se instale a biblioteca os que se encarguen, en coordinación co Concello, de xestionar este espazo. Para a localización da mesma atenderemos a criterios de espazo, poboacións así como ao interese e capacidade para contar con ela”.
Vizoso Galdo dixo que “ao fío deste proxecto e con motivo de aportar un fondo bibliográfico diverso vaise por en marcha unha campaña de recollida de libros usados. A doazón pode abarcar todo tipo de libros en bo estado, desde xuvenís, clásicos, ensaio, etc”.
O concelleiro de Desenvolvemento Local seguiu a contar que “os exemplares recollidos, serán previamente seleccionados e catalogados e pasarán a formar parte do fondo da citada biblioteca, que se completará coa adquisición de libros de recente publicación. Os lugares de recollida dos libros serán a oficina de turismo así como a biblioteca municipal”.
Ribadeo cos Libros inclúe a posta en marcha doutras iniciativas: “como a creación de clubs de lectura, actividades lúdicas ligadas á literatura, aumentar o número de persoas socias da biblioteca municipal de Ribadeo, actividades interxeneracionais e colaborativas entre as persoas adultas e os mais novos, así como un buzón de libros que se localizará nun espazo céntrico de Ribadeo”, engadiu Pablo Vizoso.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
