Alfoz, 15 de marzo, 2023. Un ano máis, a Área de Atención á Veciñanza do Concello de Alfoz informa a estudantes e familias das bolsas de estudos do Ministerio de Educación, Formación Profesional e Universidades.
As bolsas dirixidas á estudantes de: Bacharelato, FP Básica, FP Grado Medio e Grado Superior, Universidade (Grado e Máster), etc. concédense se se cumpren requisitos económicos (renda e patrimonio) e académicos.
Desde o ano pasado, hai 2 prazos para a solicitude. O primeiro iníciase o vindeiro 30 de marzo e remata o 16 de maio. Nesta primeira fase, faise a solicitude da bolsa na que ó fundamental son os datos económicos para poder seleccionar o alumnado con dereito á bolsa (que comunican posteriormente por correo electrónico) e logo en setembro reábrese para aqueles alumnos e alumnas que cumpren cos requisitos económicos para completar os datos académicos sobre os estudos a cursar en 2023-24, os datos dos contratos de aluguer no caso de residir fóra, etc.
Para o curso 23-24 hai novidades importantes coma o incremento da bolsa destinada a cubrir os gastos de residencia que se incrementa de 1600€ a 2500€.
É imprescindible solicitar a bolsa nesta primera fase.
O Concello de Alfoz atenderá aos estudantes empadroados desde o 3 de abril ata o 8 de maio, de luns a venres, de 8:00h a 15:00h. Informándoos sobre os requisitos das bolsas e tramitando as solicitudes das mesmas. Se desexan máis información poden chamar ao tfno. 982 558 001 (ext. 2 Arantxa).
Non só se tramitan as bolsas, senón que se resolven dúbidas tamén daqueles alumnos e alumnas que prefiren facer eles as solicitudes directamente. Tamén supón un seguimento de todo o proceso, presentando alegacións ou documentación extra de ser necesario.
O Concello de Alfoz, aposta deste xeito por prestar servizos que consideramos importantes para os estudantes e familias do municipio informándoos ao longo do ano de distintas axudas para xóvenes. Conta tamén con bolsas propias destinadas a sufragar os gastos de transporte do alumnado de FP e BAC nos distintos centros educativos da Comarca da Mariña.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
