2.400 pequenas e medianas empresas da provincia de Lugo recibiron xa máis de 9M€ do Plan de Recuperación, Transformación e Resiliencia a través do Kit Dixital
Lugo, 8 de marzo de 2023. O Presidente da Deputación de Lugo, José Tomé Roca, presidiu este mércores na casa consistorial de Monforte xunto con Alberto Martínez, director xeral de Red.es. entidade adscrita ao Ministerio de Asuntos Económicos e Transformación Dixital, un encontro para informar ao empresariado da Ribeira Sacra dos avances e do impacto que está tendo na provincia a liña de axudas do Kit Dixital e o programa Acelera PEMES. Uns proxectos, que tal e como subliñou o mandatario provincial, impulsa o Goberno do Estado “para fortalecer e facer máis competitivo o tecido empresarial do noso país a través da transformación dixital”.
O Delegado do Goberno en Galicia, José Miñones; a subdelegada do Goberno en Lugo, Isabel Rodríguez; a primeira tenente de Alcalde do Concello de Monforte, Gloria Prada; e o concelleiro de Obras, Medio Rural e Servizos do Concello de Monforte de Lemos, José Luis Losada, participaron na reunión, á que acudiron unha trintena de empresarios e empresarias da comarca.
“Estas iniciativas forman parte do amplo paquete de medidas económicas coas que o Goberno central está a dar resposta aos retos xerados polo impacto da pandemia e da guerra de Ucraína”, sinalou Tomé Roca. “Como ocorre sempre cos gobernos progresistas, a principal preocupación do Executivo de Pedro Sánchez é a xente, polo que despregou un escudo social sen precedentes, con medidas como a suba do Salario Mínimo Interprofesional, o aumento das pensións, a reforma laboral ou o incremento das becas, entre moitas outras”, pero, ao mesmo tempo, subliñou, o Executivo actúa “no ámbito da economía, para axudar ás empresas a facer fronte a unha situación adversa e, sobre todo, aproveitando os fondos europeos para acometer procesos de modernización que as fagan máis competitivas”. Neste sentido, recalcou que xerar emprego “é a primeira e a mellor política social”.
Sinalou que as pequenas e as medianas empresas, as microempresas e os autónomos aos que se dirixen o Kit Dixital e o programa Acelera PEMES “conforman a columna vertebral do emprego do noso concello e da nosa provincia e, polo seu menor tamaño, teñen máis dificultades á hora de modernizarse ou incorporar novas tecnoloxías”.
Na súa intervención, o Presidente puxo en valor a capacidade de interlocución do Goberno central coas administracións locais, valorando que “concellos e Deputacións somos os garantes de que as medidas cheguen por igual a todos os recunchos do territorio. Contamos cun diálogo permanente que garante que as ideas se escoitan e que os programas incorporan as aportacións dos territorios, algo que lamentablemente, non fai a Administración autonómica galega, nin tampouco fixeron no seu momento os gobernos conservadores do Estado”.
Acelera PEMES
Entre as accións prioritarias do Goberno da Deputación, o Presidente destacou precisamente “o apoio ao tecido produtivo da nosa provincia”. Algo que “xunto aos servizos públicos de calidade, é un factor esencial para fixar poboación no noso rural”.
No marco dese compromiso co tecido produtivo, a Deputación incorporouse ao Acelera PEMES, dotado con medio millón de euros, dos cales o 80% (400.000€) proceden da Unión Europea a través da entidade pública empresarial Red.Es e o 20% (100.000€) da propia institución provincial.
“Levamos desde final de ano despregando esta iniciativa de asesoramento e soporte gratuíto ás PEMES en materia de transformación dixital, cuns bos resultados ata o momento, pois xa contactamos cunhas 250 empresas”. A institución provincial xa ten despregadas oficinas para prestar asesoramento e acompañamento gratuíto aos negocios nos concellos de Viveiro, Lugo e A Fonsagrada e traballa para completar a rede nos municipios de Láncara, Monforte e Vilalba.
Grazas ao Acelera PEMES, a Deputación manterá durante dous anos, ata o 2024, esta rede de oficinas, que contará con 7 traballadores e traballadoras.
Neste programa poden participar todas as PEMES que estean interesadas, co único requisito de ter sede física nalgúns dos concellos da provincia de menos de 20.000 habitantes, é dicir, todos menos o da capital, que dispón doutras iniciativas e recursos para ofrecer este tipo de servizos.
Valorou o Presidente “a proximidade e a capacidade de atención presencial” que se ofrece a través desta iniciativa, “un apoio para garantir a eficacia de esta ambiciosa acción de transformación do tecido empresarial”. Engadiu como Alcalde de Monforte as apostas do Goberno local polo emprego e a captación de empresas e expuxo como froitos dese traballo o desenvolvemento do polígono industrial da localidade; a implantación en Monforte da farmacéutica Kern Pharma, que prevé investir 60M€ nunha planta de produtos inxectables na que traballarán 50 persoas; a posta en marcha de servizos de Renfe, que creará na cidade o primeiro centro de ciberseguridade da compañía.
Kit Dixital
Sobre o Kit Dixital sinalou que está a ter un “gran impacto” na provincia. De feito, 2.400 pequenas e medianas empresas lucenses recibiron xa máis de 9M€ do Plan de Recuperación, Transformación e Resiliencia a través desta liña de axudas. “Estou seguro de que seguirá dando froitos no concello de Monforte e no conxunto da provincia de Lugo”, valorou.
Para o programa Kit Dixital, o Ministerio de Asuntos Económicos e Transformación Dixital destina un orzamento de 3.067 millóns de euros dos fondos do Plan de Recuperación, Transformación e Resiliencia para dixitalizar a preto dun millón de PEMES e autónomos en todo o territorio nacional os próximos tres anos.
Estas subvencións do Goberno teñen como finalidade avanzar na dixitalización de áreas crave como presencia na internet, deseño da web, venda electrónica, xestión de clientes e provedores, oficina dixital, redes sociais, xestión e automatización de procesos e ciberseguridade.
As axudas poden solicitarse ata decembro do ano 2024. Están abertas tres convocatorias: a liña dirixida a empresas de entre 10 e 49 empregados, que poden solicitar o bono de 12.000 euros ata o 15 de marzo de 2023; para as empresas de 3 a 9 empregados o prazo está aberto ata o 2 de setembro con axudas de 6.000 euros; e os negocios de menos de tres empregados e autónomos poden solicitar 2.000 euros ata o 20 de outubro de 2023.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
