O BNG defende un modelo de atención primaria con tres piares: máis financiamento, persoal suficiente e novos servizos nos centros de saúde
Santiago de Compostela, 7 de marzo do 2023. A portavoz nacional do BNG, Ana Pontón, defendeu no Parlamento blindar por lei o financiamento necesario da atención primaria para que reciba, cando menos, o 25% do total dos recursos destinados á sanidade, como recomenda a OMS, fronte ao actual 11,6% que sitúa a Galiza por debaixo da media.
Unha proposta en forma de proposición de lei que forma parte do novo modelo de atención primaria que propón o BNG en base a tres grandes piares: financiamento suficiente, máis persoal sanitario e ampliar a carteira de servizos con novas especialidades nos centros de saúde.
Unha proposta que non saíu adiante polo veto do Partido Popular, convertido, denunciou a líder do Bloque, no “cabalo de Troia” da sanidade privada, en referencia tanto ós catorce anos de recortes na sanidade pública como ás conexións familiares directas entre a xerente do SERGAS cos hospitais privados.
“O modelo retrógrado do PP recorta na pública para favorecer á privada, pon a tarxeta bancaria por diante da tarxeta sanitaria, dille á xente que o tamaño da súa carteira importante máis que a súa saúde, porque o PP é o cabalo de Troia da sanidade privada”, denunciou Pontón, deixando claro que para o BNG “non é unha casualidade que a xerente do SERGAS teña ao seu irmán como xerente da asociación dos hospitais privados, cos que o SERGAS fixa derivacións e convenios por importes millonarios”.
Na súa intervención, Pontón denunciou que o modelo sanitario do PP xera incerteza e medo ante a enfermidade nunha cidadanía que ve como os recortes e as privatizacións poñen en risco a súa saúde.
“A xente ten medo a enfermar, medo a perder a un ser querido porque a ambulancia que pode salvarlle a vida non chega, medo porque un diagnóstico se retrasa ou porque unha operación tarda moito”, indicou Pontón, engadindo que “a política está para facer da tranquilidade un modelo de vida, non unha utopía”.
Cun Goberno do PP que recortou en atención primaria 2.339 millóns de euros entre 2009 e 2023, Galiza ten hoxe o “corazón” do sistema sanitario precarizado e colapsado: “Non é propio dun goberno decente recortar e precarizar a sanidade pública, poñer a carteira por riba da saúde, xerar incerteza e fraxilidade nas persoas ante a enfermidade”.
Fronte ao modelo insolidario do PP, o BNG presenta unha alternativa, un novo modelo de atención primaria para garantir o dereito a saúde de todas as persoas, que pasa por unha atención primaria libre de recortes e de listas de espera, cos recursos materiais e humanos que precisa.
A proposta do Bloque establece blindar por lei o financiamento de atención primaria cun obxectivo concreto: que reciba un mínimo do 25% de todo o orzamento sanitario, tal é como recomenda a OMS, máis do dobre dos recursos actuais, pese a ter Galiza os custes adicionais derivados da dispersión e do envellecemento.
Plan para captar e reter profesionais
O segundo piar do modelo do BNG pasa por dotar atención primaria do persoal sanitario suficiente: persoal médico, de enfermería e de servizos. Por iso o modelo do BNG recolle un plan para reter e captar profesionais, con condicións atractivas para as formadas aquí e para que retornen as que marcharon fora. “Non podemos seguir perdendo talento e postos de traballo formados aquí con cartos dos e das galegas. Elas e eles queren volver, nós estamos aquí para poñérllelo fácil”, indicou.
Finalmente, o terceiro piar: máis servizos nos centros de saúde, como psicoloxía clínica, “porque un 30% das consultas están relacionadas coa saúde mental e a atención primaria de hoxe non pode ser a de fai trinta anos, hai que atender outras necesidades, como as feridas profundas que require a saúde mental”. Tamén fisioterapia, odontoloxía ou logopedia entre as novas prestacións sanitarias.
Un mundo máis san e máis seguro
“Senón queremos construír un mundo hostil, fagamos todo o posible por axudar a facer un mundo máis san, máis seguro”, subliñou Pontón durante a súa intervención na que recriminou a ausencia do presidente da Xunta nun debate que aborda o máis importante: a saúde das persoas.
“En definitiva, desde o BNG propoñemos unha atención primaria atenta ás necesidades da Galiza de hoxe, defendendo un sistema sanitario público e forte que nos iguale ante a enfermidade, porque Galiza non pode seguir quedando atrás no coidado da súa xente, precisamos unha sanidade pública libre de recortes e privatizacións, que aporte a todos os galegos e galegas certeza, tranquilidade e a confianza de que van ser coidados como se merecen ante a enfermidade”, concluíu.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
