Foz, 17 de abril, 2023. O coidado das persoas maiores é un tema que se está convertendo nunha prioridade cada vez maior na nosa sociedade. A medida que a poboación envellece, máis e máis persoas maiores necesitan atención e coidado por parte dos seus familiares. Con todo, o coidado das persoas maiores segue sendo unha das grandes descoñecidas da nosa sociedade, con moitos coidadores informais enfrontando desafíos e dificultades diarias.
Coidar a unha persoa maior pode ser unha tarefa esgotadora e estresante, pero tamén é unha das cousas máis gratificantes que se poden facer. Os familiares que coidan dos seus maiores fan un gran labor, con todo, é importante lembrar que tamén deben coidarse a si mesmos.
Tamén, debemos falar sobre a soidade que é un dos maiores desafíos aos que se enfrontan as persoas maiores, especialmente aquelas que viven soas.
Por todo iso, en breve comezarán tres programas no Concello do Valadouro que impartirá a Asociación Cuiden maiores e coidadores, dirixidos a todas aquelas persoas familiares coidadoras, así como ás persoas maiores que vivan soas.
O primeiro programa “Coidarte”, está deseñado para brindar apoio e formación aos familiares coidadores dos seus maiores. Este programa proporcionará ferramentas e técnicas para coidar mellor aos seus seres queridos maiores, así como para coidar mellor de si mesmos. Sabemos que coidar a alguén pode ser unha tarefa esgotadora, polo que estamos comprometidos a proporcionar aos coidadores o apoio que necesitan para facer o seu traballo o mellor posible.
O programa consiste en ata 8 sesións que levarán a cabo unha tarde á semana durante unha hora e media. Durante estas sesións, as persoas coidadoras recibirán información e ferramentas para mellorar os coidados dos seus maiores, así como para mellorar o seu coidado e benestar e previr o esgotamento emocional e físico.
O segundo programa “Tardes de Lecer”, e está diridigo ás persoas familiares coidadoras dos seus maiores para que poidan desconectar do seu labor diario de coidado. Neste programa, as persoas coidadoras poden conectarse con outras coidadoras e compartir as súas experiencias e preocupacións, así como gozar de actividades de lecer e entretemento.
O programa realizarase unha tarde cada 15 días durante 2 horas
Por último, o terceiro programa “Soedade Cero”, e está deseñado especificamente para persoas maiores que viven soas. Este programa ten como obxectivo evitar o illamento e a soidade que poden enfrontar as persoas maiores que viven soas.
Os programas son totalmente gratuítos
Participar nestes programas pode ter un gran impacto na calidade de vida dos nosos maiores e os seus familiares coidadores. Estes programas ofrecen apoio emocional, ferramentas prácticas e a oportunidade de conectarse con outros membros da comunidade. Ademais o programa “Soedade Cero” pode axudar a combater a soidade, que é un problema común para as persoas maiores que viven soas.
Se vostede ou un ser querido desexa inscribirse nalgún destes programas, por favor póñase en contacto cos Servizos Sociais do Concello do Valadouro ao número de teléfono 982 57 40 00.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
