Burela, 28 de abril, 2023. Este sábado no Polideportivo Rey Felipe VI de Boadilla del Monte celebráronse as dúas semifinais da Copa de S.M. a Raíña, ás 13.30 horas o A.D.Alcorcón FSF – Pescados Rubén Burela FS, que rematou cun resultado 1-6 que clasifica para a final ao Pescados Rubén Burela FS. Final que disputará mañá ás 13.00 horas contra o STV Roldán, que gañou esta tarde ao Futsi Atlético Navalcarnero cun resultado 4-2. O encontro de hoxe contra o Alcorcón foi un partido no que o Pescados Rubén mostrouse superior en todo momento, contra un rival moi difícil soubo dominar tanto a defensa como o ataque durante todo o partido acabando o encontro cun resultado moi tranquilizador para o equipo de Julio Delgado.
Na primeira parte non pasa moito tempo ata que Dany encaixa o 0-1 tras un pase de Peque. Continúa presionando o Burela cunha oportunidade de Saki no minuto 7 que sae fóra e outra clarísima de Peque no 8 que para a porteira Estela e logo dá no pau. E no mesmo minuto chega o 0-2 coa veloz Irene Samper tras un pase de Antía. Chega o gol do Alcorcón con Clau López no minuto 17 e segundos despois outra oportunidade clarísima de Peque que sae fóra. Chega o descanso con resultado 1-2 para o Burela FS.
No segundo tempo comeza atacando o equipo mariñán con Irene, Peque, Emilly e Dany e no minuto 24 Patricia atopa o gol que tanto buscaba (despois de varias oportunidades na primeira parte) e no 28 chega o 1-4 cun golazo de Emilly despois de roubar o balón a media pista e continuar ela soa o contraataque ata a portería contraria. No minuto 29 Guillermo Camarón decide optar xa pola porteira-xogadora, pero a sólida defensa do Burela non se permite un erro, chegando o 1-5 cun tiro de Peque a portería baleira no minuto 33 e o 1-6 final tamén con Peque cun gol de falta tras a sexta falta do Alcorcón.
Un Julio Delgado moi orgulloso do seu equipo, valora o encontro como “un partido moi serio” no que “fixeron maxia hoxe”. Cunha moi boa primeira parte, con moitas ocasións e unha segunda parte na que matizaron os detalles necesarios para saír vitoriosas, sempre dándoo todo. Facendo fincapé na importante ausencia de Cilene, un piar fundamental no equipo, prefire manter a súa boa saúde que arriscala por un título. Recoñece que sente favorito e, aínda que pode pasar o contrario, espera e sente que mañá o Burela FS proclamarase o equipo campión da Copa da Raíña por sexta vez, a quinta consecutiva.
Ficha Técnica A.D. Alcorcón FSF – Pescados Rubén Burela FS
A.D. Alcorcón FSF: Estela (P), Aída de Miguel (C), Laura Sánchez, Nere Moldes, Marta Nuño – cinco inicial -, Tania Benito, Clau López, Iraia, Luci, Paula Llorente, Oliva, Albita, Carmen Alonso, Patri Arruti (P).
Pescados Rubén Burela FS: Jozi Oliveira (P), Dany, Peque (C), Irene Samper, Emilly – cinco inicial- Saki, Cilene, Jenny, Antía Pérez, Patricia, Caridad (P).
Goles: Min.3 Dany 0-1; min.8 Peque 0-2; min.17 Clau López 1-2; min.24 Patricia 1-3; min.28 Emilly 1-4; min.33 Peque 1-5; min.36 Peque 1-6.
Equipo Arbitral: Andrés Botella López, Sara Gutierrez Echevarría, Alberto Carrion Álvarez.
TA: min.15 Saki, min.18 Julio Delgado, min.19 Peque, min.19 Antía, min.23 Emilly, min.32 Tania Benito.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
