Viveiro, 21 de abril de 2023. O Concello de Viveiro está a executar importantes obras no municipio dentro do plan municipal de mellora continua dos servizos e infraestruturas públicas.
As dúas actuacións que se levan a cabo neste momento, que axudarán a mellorar os servizos da veciñanza, están incluídas dentro do Plan Provincial Único de Cooperación cos Concellos 2022 da Deputación de Lugo.
No caso de Pallaregas, as obras consisten na reposición do firme do vial denominado pista Ponte Feve-Casería, así como de parte do ramal do vial da pista en Vilar de Abaixo-O Rego, que da acceso ás vivendas de Porta Leira, na parroquia de Covas. O orzamento deste proxecto é de 129.882,11 €.
Tamén se executa a substitución da rede de abastecemento de auga na parte do vial principal, debido ao seu deterioro, e dótase de formigón nas zonas onde existen máis edificacións para garantir unha correcta circulación das augas pluviais. Ademais estase a renovar a sinalización vial, tanto horizontal como vertical.
Pola súa banda, estanse a executar tamén as obras de reposición do firme e a ampliación da rede de saneamento no lugar de Brieiro, na parroquia de Faro.
Estas actuacións, centradas no Camiño do Fultreiro, no Camiño da Fatiga e no Camiño da Cruz, tamén dotarán á zona dunha nova sinalización vial.
O orzamento de execución por contrato, segundo proxecto, ascende a 51.554,83 euros.
“Todas estas actuacións teñen como obxectivo mellorar as condicións de vida dos nosos veciños e veciñas, garantir a funcionalidade e humanizar o entorno, así como reforzar a seguridade viaria”, subliña a alcaldesa María Loureiro.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
