Novas aíndas non confirmadas din que o anterior Xefe do Estado, Juan Carlos de Borbón, chegará a Sanxenxo o vindeiro mércores 19, para adestrar co seu barco Bribón a vindeira fin de semana cara ao campionato do mundo de vela de clase 6mR que se desenvolverá na vila galega entre o 9 e o 18 de xuño. Diversas fontes advirten que seica non se confirme a viaxe, mais que o Emérito quere concorrer a ese evento deportivo en xuño e quere partillar nalgún dos adestramentos, polo que se non ven agora viría no vindeiro maio.
Desta volta hai quen afirma que a viaxe non acadou o nihil obstat nin do seu fillo o Xefe de Estado nin de Pedro Sánchez. Mais seica na Zarzuela e na Moncloa refugan explicacións coa andrómena de que a viaxe do Borbón é privada, esquecendo que a súa simple presenza pública na Galicia sen dar explicacións do seu vergoñento comportamento anterior constitúe unha nidia mensaxe política e proxecta dúas ideas-forza: que o Goberno do Estado non controla a Casa Real e que Felipe e Juan Carlos de Borbón partillan intereses ou segredos que impiden ao primeiro imporse ao segundo como Xefe da Familia.
Cumpriría lembrar que a Fiscalía arquivou as pescudas a respecto dos presuntos comportamentos delictivos do Borbón non pola falla de pegadas de condutas penalmente tipificadas (que si se constataron), senón, a respecto dalgunhas delas, porque o Constitucional coida que non pode ser axuizado por feitos ocorridos durante o seu mandato (rematado o 19 de xuño de 2014) e, no que atinxe ás posteriores, pola prescrición dos delictos. Mais semellan existir indicios abondo de que o Emérito posúe un patrimonio que diversas fontes aquelan en máis de 2000 M€. Un patrimonio do que definiitvamente non pagará nunca impostos por se radicar fóra do Estado e mesmo da EU. Un patrimonio xerado dende fontes irregulares e incompatíbeis co exercicio da Xefatura constitucional do Estado, por definición constitucional exclusiva e excluínte, que desenvolveu entre decembro de 1978 e xuño de 2014.
O presidente Rueda manifestou que a cidadanía galega apoia maioritariamente esta nova viaxe do anterior Xefe de Estado. Mais, como afirma aqueladamente o xornalista Xabier R. Blanco, non pode saber tal por non existir enquisas fiábeis neste senso. As poucas enquisas existentes, pola contra, reflicten que este país é dos territorios menos monárquicos do Estado. Rueda xa habería saber que Galicia é moito máis ca os círculos do alcalde e do presidente do Náutico de Sanxenxo. Mesmo nin a veciñanza nin a hostalería sanxenxinas son unánimes nesta opinión.
A Monarquía parlamentaria esixe de moi altos níveis de transparencia e deexemplaridade que sexan quen a compensar a desigualdade da herdanza. E, no caso da Monarquía borbónica, non lles hai vergoña ningunha.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
