Viveiro, 4 de abril de 2023. Con motivo da celebración das procesións de Semana Santa, o Concello de Viveiro e seguindo as recomendacións e directrices das Forzas e Corpos de Seguridade realizará cambios no tráfico e no estacionamento, co obxectivo de mellorar a seguridade e a información aos condutores, ademais das zonas de aparcadoiro indicadas no día de onte.
Con este dispositivo, o Concello quere compatibilizar a celebración da Semana Santa coa vida diaria dos veciños e veciñas, causando as menores molestias posibles e facilitando á súa vez a chegada de visitantes á vila.
ZONA ORA, TRAVESIA DA MARINA E PRAZA DE LUGO
Por unha banda, dende o 6 de abril, Xoves Santo, ás 15:00 e ata a 01:00 do día 8, Sábado Santo, estará prohibido estacionar todo tipo de vehículos entre a Praza de Lugo e a Porta de Carlos V, en ambos marxes. Isto afecta á zona azul, carga e descarga e ó resto de prazas. As zonas afectadas estarán sinalizadas a partir de mañá.
Por outra banda, a circulación de vehículos verase restrinxida o Xoves Santo dende as 22:00 ata que remate a Procesión da Misericordia. O mesmo ocorrerá o Venres Santo a partir das 22:00 coa Procesión da Paixón.
AVDA DE CERVANTES- REGO DAS FRORES
Tamén estará cortada durante as procesións a Avenida de Cervantes. Como alternativa, dende mañá ata o luns vaise habilitar o paso mediante semáforos dende a Avenida Benito Galcerán ata Rúa Rego das Flores en ambos sentidos. Este paso estará habilitado paralelamente dende o mércores 4 ao luns 10 de abril.
O concello agradece de antemán a colaboración e a comprensión de todos, pedindo desculpas polas molestias que se poidan ocasionar, e co desexo de que a Semana Santa 2023 sexa de novo un gran éxito.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
