Ribadeo, 4 de abril de 2023. A axenda cultural do segundo trimestre deste 2023 arrinca estes días coa segunda semana do proxecto Píllara: o 6 de abril haberá unha acción colectiva na rúa coa actriz María Roja e o sábado no teatro proxectarase a película Panteras. As propostas deste trimestre, que presentou a concelleira de Cultura, Pilar Otero, inclúen danza, teatro, actividades para as crianzas, Cultura nas Parroquias e tamén música. A cantante Sés presentará o seu novo disco en Ribadeo o 6 de maio.
A edil ribadense manifestou: “desde a Concellaría de Cultura queremos informar dos eventos que conforman a axenda cultural neste segundo trimestre do ano. Estamos agora mesmo inmersas na segunda semana do proxecto Píllara, que como levamos difundido amplamente nestes días atrás, é unha reflexión a través da arte sobre a situación do cambio climático e na que o protagonismo téñeno as actividades co alumnado dos centros de ensino de Ribadeo. Esas actividades, que tiveron lugar a pasada semana, foron posibles pola colaboración total das direccións e profesorado de todos os nosos centros. Desde aquí queremos mandar o noso agradecemento”.
Otero Cabarcos explicou que “de aquí ao domingo 9 de abril van ter lugar as propostas en aberto, para público xeral, que por suposto inclúen tamén crianzas. Vai haber o 6 de abril, xoves, unha acción colectiva na rúa coa actriz María Roja, o sábado no Teatro proxectarase a película Panteras, de Andoni Canela, e durante toda a semana vai seguir no forte de San Damián a exposición sonora Óso de auga e na semana seguinte poremos o ramo a Píllara co lanzamento en redes de catro temas do concerto de OREKA TX que houbo que adiar polas tristes razóns que todos e todas coñecemos”.
A axenda do segundo trimestre do ano inclúe danza, teatro ou música. A concelleira de Cultura contou que “en canto á danza temos esta mesma fin de semana LAD Dance coa súa proposta Qualia e varios espectáculos de exhibición do alumnado desta sección da EMMeD. A Cultura nas Parroquias ten unha abondosa programación, con tres actuacións en escolas do mago Kiko Carrolo e do grupo As Cegas de Ouselle (voz, zanfona e acordeón) noutras tres. Falando de teatro propoñemos dous eventos de grande calidade. A compañía arxentina El Vacío Fértil representará El virus de la violencia, e A Panadaría trae o espectáculo gañador dos Premios María Casares, As que limpan”.
Pilar Otero indicou que “no que toca á programación para público infantil a través do programa Apego hai un espectáculo de cabaré para crianzas, en exterior, a cargo da compañía de Nelson Quinteiro; unha saída á praia para recoller e traballar con refugallo e que ten o nome de Na procura das bágoas das sereas e a participación na actividade Os anos que achegan. A festa da primavera, unha idea de participación interxeneracional, co idioma galego como fío condutor, e que involucra nenas e nenos da escola infantil de Ribadeo, dos dous colexios de primaria e de ciclos do CIFP Porta da Auga”.
A edil nacionalista seguiu a relatar que na parte do audiovisual Andrés López presentará o esperado documental sobre Yuma e Miguel Monteavaro o espectáculo en galego do EoNavia ,Orion. Tamén terán a súa propia programación cultural citas anuais como o Ribadeo de Tapeo e o Ribadeo Ilustrado”.
E engadiu: “para finalizar falamos da música, un xénero do que temos unha mostra ben abondosa de propostas neste segundo trimestre do ano, empezando por Arima Soul este mesmo sábado, 8 de abril. E para rematar, queremos anunciar tamén que Sés presentará o seu novo disco no auditorio municipal o 6 de maio. Agardamos que todas estas propostas sexan do agrado e conten coa asistencia do público ribadense e de quen nos visite este trimestre”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
