Castiñeira asegura que se despois das eleccións de maio goberna o PP “a festa do chícaro será como sempre, como fixo Rivera e como fixo Manín, a finais do mes de xaneiro”
Foz, 20 de abril de 2023. A Festa do Chícaro, por obra e gracia de Cajoto e o seu equipo, foi este ano un fracaso, como era de esperar debido ao inexplicable cambio da data de celebración. O portavoz popular, e candidato á alcaldía, Javier Castiñeira, sinala: “Escoitar ao señor Cajoto dicir que o cambio da data da festa do chícaro foi un éxito é unha broma pesada ou unha falta de respecto a todos aqueles que a organizaron no seu día; ao señor Rivera (Pepe), que foi o que tivo a feliz idea de facela en xaneiro, cunhas directrices que son claras e que tamén as mantivo o PP: por un lado, manter as tradicións, especialmente vinculadas a un bivalvo que se extraía precisamente nas datas nas que se fai a festa do chícaro, en xaneiro, e por outra parte, coa idea básica que desestacionalizar, evitar as masificacións do turismo, en épocas como Semana ou no verán”.
Castiñeira destaca que os problemas veñen do cambio de data. Indica: “Non vemos moi lóxico que na festa do berberecho se poña como un dos pratos mexillóns; iso débese a fallar na data, porque ao retrasala o chícaro está moito máis caro e é moito máis difícil conseguilo. Ao final, para atraer xente hai que traer ao Combo Dominicano, irse das tradicións. Ademais é unha falta de respecto absoluto aos grupos que amenizaron a xornada matinal, aos grupos locais O Feitizo e A Subela, que veñen de forma altruísta e ven como se pagan a outros miles de euros, que para iso hai diñeiro antes das eleccións e non o hai para axudar á xente do pobo. Foi un verdadeiro fracaso dentro da tradición”.
O PP entende que a Festa do Chícaro debe ser na súa data e o goberno local debe dar explicacións de por que non o fixo así. O PP -di Castiñeira- asegura que, se goberna, a Festa do Chícaro será, como sempre, “como fixo Rivera e como fixo Manín, a finais do mes de xaneiro”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
