Viveiro, 24 de abril de 2023. O Concello de Viveiro transmite os seus parabéns e amósase profundamente orgulloso da elección de Emily Sofía Castañeda, integrante do Grupo de Participación Adolescente de Viveiro, como vogal do Consello Autonómico de Infancia e Adolescencia de Unicef.
A constitución do consello tivo lugar o venres 21 de abril na Cidade da Cultura de Galicia, en Santiago, nun acto organizado por Unicef e a Consellería de Política Social e Xuventude da Xunta de Galicia.
“Para o Concello de Viveiro é un honor que unha das nosas veciñas forme parte deste importante foro. Como institución pública animamos e impulsamos todas as iniciativas que sirvan para incentivar a participación dos máis novos na política e na vida social e cultural da vila, e o Grupo de Participación Adolescente, sen dúbida, está a cumprir con crecer todos os obxectivos que se marcaron dende a súa constitución”, afirma a alcaldesa de Viveiro, María Loureiro.
“Estamos enormemente orgullosos non só desta elección, senón do traballo e do esforzo de todo o Grupo ao longo do ano. Parabéns a todos os seus integrantes por este importante recoñecemento”, engade a Concelleira de Benestar Social, Victoria Baamonde Gómez.
Emily Sofía Castañeda agradeceu a Unicef a oportunidade que se lle brinda a partir deste momento como integrante deste órgano, ao tempo que subliña que “foi unha gran experiencia, na que puiden coñecer xente que tamén está interesada en dar voz ás mais novas e novos”. “Ademais o evento foi realmente moi bonito”, engade a viveirense.
Unicef Galicia e o Concello de Viveiro aplauden e felicitan a elección de Emily polo seu nomeamento, froito do interese e da implicación demostrada para dar protagonismo ás opinións dos nenos, nenas e adolescentes no ámbito autonómico.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
