O Concello de Burela leva anos traballando no proxecto europeo “Concellos polo clima e a enerxía”, onde tratamos de establecer as actuacións e estratexias para mitigar e adaptar medidas contra o cambio climático, colaborar nos obxectivos de desenvolvemento sostible 2030 e manter o propósito firme de que Burela sexa un auténtico ecosistema onde a actividade social estea integrada no medio ambiente e viceversa.
Como consecuencia disto aprobamos, por unanimidade, un Plan de Acción polo Clima e a Enerxía Sostible (PACES), que consiste nun paquete de medidas orientadas a melloras ambientais, aforro enerxético, xestión óptima da auga, humanización de rúas, mitigación de CO2 e de todas aquelas que sexan favorables para acadar unha óptima calidade ambiental. O Plan contén os orzamentos para a execución das diferentes accións. Orzamento que se nutre de recursos propios e de axudas autonómicas, centrais ou europeas.
No Concello de Burela xa se foron realizando, en coherencia co PACES, varias propostas como o control de fugas no abastecemento e distribución da auga (en sete áreas hai detectores que informan constantemente a unha central), analizador permanente da calidade do aire, plantación de frondosas, instalación de placas fotovoltaicas e solares térmicas, alumeado público con LED, humanización de rúas, rutas de sendeirismo e creación de hortos urbanos. Esta última merece mención aparte.
Hai un ano que se repartiron 43 parcelas de 35 metros cadrados nunha finca-solar situada en Arcadio Pardiñas. A transformación total que acadaron os usuarios foi evidente en pouco tempo, onde se trocou terra a bravo por pequenas fincas cheas de diversidade de froitos e de artesanía estética. No outono pasado xa se fixo a primeira festa da colleita, onde se notou a calidade e cantidade de produtos, derivada do traballo, interese e dedicación que todos amosaron.
Esta iniciativa, a dos hortos, foi a que ensinou o camiño a seguir para valorar o cultivo propio de produtos naturais, alimentación de calidade total sen empregar abonos ou fertilizantes químicos, coñecemento para entender a dinámica dos diferentes cultivos, tratamentos naturais, técnicas de aforro da auga e, sobre todo, a cultura da cooperación en todos os eidos. Os hortos recuperaron a costume, tan galega, de compartir, colaborar, aportar e ter visión ampla da importancia de cultivar en colectividade, ou que o colectivo cultive como método de garantir a produción de alimentos abundantes e de calidade para todos.
Están principiando a segunda tempada e nótase, séntese, a ilusión e a confianza dos usuarios para acadar unha nova colleita producida entre todos, tendo como base fundamental a solidariedade ben entendida e ben aplicada.
A verdade é que da gusto observar o ben que se entendeu o propósito dos hortos urbanos. Agora que a alimentación está a ser protagonista, condicionando a economía e contido da cesta da compra, vese clara a necesidade de contar cun abastecemento alimentario de confianza e próximo.
Con sinceridade penso que en Burela, na Mariña e en Galicia, debemos espallar a filosofía dos hortos urbanos, que se recupere o cultivo masivo de alimentos básicos para abastecer á poboación ao mesmo tempo que apreciamos o valor indiscutible da natureza. Compromiso e colaboración para evitar o asentamento do cambio climático.
Alfredo Llano García (alcalde de Burela)
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
