Viveiro, 25 de abril de 2023. O Concello de Viveiro amosa a súa profunda gratitude polo traballo de investigación que levou a cabo Carlos Nuevo Cal, Cronista Oficial de Viveiro, sobre a reloxería na vila e sobre o reloxo mecánico municipal situado no Conxunto Histórico Artístico da Praza de Santa María, que foi recentemente restaurado.
O historiador recolle no seu blog (https://viveirocronista.blogspot.com/2023/04/maquinaria-despois-de-ser-restaurada.html) a importancia da reloxería en Viveiro, diferencia entre o primeiro reloxo mecánico (1534-1860) e o actual, e contextualiza a súa chegada como reflexo “da grande importancia militar e comercial da vila naqueles tempos, que estaba considerada como unha das chaves e gardas principais de Galicia”.
Carlos Novo Cal insiste en que, aínda que se descoñece cando e onde se inventou o primeiro reloxo mecánico europeo, a “primeira referencia coñecida da existencia do reloxo mecánico en Viveiro é do ano 1534, cando o Concello acordou mandar fabricar unha campá para o reloxo público que fose de maior tamaño que a primitiva”.
Nun texto imprescindible para coñecer a historia de Viveiro, Carlos Nuevo Cal enumera tamén aos coidadores do reloxo ao longo dos séculos, o seu cambio polo reloxo actual en 1861 cando “colapsou” tras máis de 326 anos de servizo, e como a súa reposición veu da man da modernización de Viveiro en outros eidos como a chegada do Telégrafo, a construción da estrada Viveiro a Lugo, a ampliación do alumeado público, ou a remodelación urbana e o empedrado de rúas e prazas.
No seu escrito, Carlos Nuevo Cal destaca o feito de que “Viveiro ten o mérito ben merecido de contar actualmente cun reloxo mecánico que cumprirá nuns días 162 anos” e aplaude que “grazas á decisión do Concello e á mestría e bo facer da empresa viveirense Lages Relojería Monumental, podemos recrearnos con este excepcional reloxo municipal totalmente restaurado e posto a punto”.
O Concello de Viveiro informaba precisamente hai uns días do remate das obras de restauración que incluíu agullas, minutarías e a transmisión de dúas esferas exteriores, así como da restauración xeral da antiga máquina do reloxo xunto ao habitáculo onde estaba instalado.
O reloxo foi montado provisionalmente para poder ser visitado, antes ou despois da misa que se oficia os martes, xoves e sábados, ás 19:30 horas, así como os domingos, ás 11:00 horas.
“Viveiro conta cun enorme patrimonio histórico que merece ser coñecido e desfrutado por toda a veciñanza e os nosos visitantes. Dende o Concello o noso obxectivo é coidalo e poñelo en valor, así o estamos a facer, e ir da man de expertos como Carlos neste labor é un auténtico privilexio”, indica a alcaldesa María Loureiro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
