O acto de presentación da lista que lidera Manuel Rouco contou coa participación de Rosa Quintana, Javier Nodal e José Manuel Balseiro
Burela, 27 de abril de 2023. “O Partido Popular ten equipo de goberno para devolver a Burela ao lugar que lle corresponde como punta de lanza na comarca da Mariña”, segundo proclamou o candidato á alcaldía, Manuel Rouco, durante o acto de presentación da candidatura no que participaron a titular de Mar do Goberno galego, Rosa Quintana; o secretario xeral do PP lucense, Javier Vázquez Nodal; e o coordinador xeral e deputado autonómico mariñán, José Manuel Balseiro.
A candidatura do PP de Burela está conformada por 16 persoas que son un “equipo multidisciplinar, capaz e preparado que trata de ser representativo da nosa sociedade. A todos quero agradecerlles a súa implicación neste proxecto que quere transformar Burela para sacala das sombras nas que o sumiron sucesivos gobernos do PSOE”, indicou Rouco.
“Este equipo presenta un proxecto serio, sólido e responsable, que foi madurado en base á escoita e ao diálogo continuo coa veciñanza de Burela, algo que é primordial para calquera formación que aspire a gobernar unha vila coma nosa”, asegurou o alcaldable. Nesa liña, incidiu en que “queremos facer unha Burela entre todos”.
Segundo manifestou o candidato popular, “as tres liñas mestras do mesmo son o asentamento poboacional, o asentamento de empresas e a dinamización económica e social, que se apoiarán en varios puntos claves para o seu desenvolvemento”.
Dende a dirección provincial trasladaron o seu apoio á candidatura coa que “o Partido Popular aspira a volver a gobernar no Concello” porque “a Burela vaille ben co PP”. De feito, sinalaron que “os veciños poden constatar que as obras importantes para a vila teñen a etiqueta do PP”; mentres que “co goberno socialista nestes oito anos, Burela perdeu servizos”.
DEFENDENDO OS INTERESES DA PESCA
Rosa Quintana, pola súa banda, puxo en valor a importancia de Burela como un dos principais portos pesqueiros de Galicia e salientou o peso da actividade extractiva na economía local. Neste sentido, asegurou que a pesca ten futuro malia os importantes desafíos aos que se enfronta e que non hai mellor persoa para defender os seus intereses desde o Goberno local que Manuel Rouco.
A responsable da política pesqueira autonómica incidiu en que decisións como o veto á pesca de fondo decretado por Bruxelas teñen un grande impacto na frota de Burela, a máis importante de palangre de fondo de Galicia. Por iso, apelou á necesidade de traballar desde todas as institucións, comezando desde a local, para tratar de frear este despropósito de Bruxelas que pon en risco o principal pulmón económico do concello.
CANDIDATURA DO PP DE BURELA ÁS MUNICIPAIS 2023
1 Manuel Rouco López – Enxeñeiro
2 Encarnación Bernal Marín – Avogada
3 Félix Alberto Martins Gonҫalves – Empregado de ABSA, xogador e adestrador de fútbol base
4 María Teresa Lanza Méndez – Traballadora social
5 María Teresa García González – Auxiliar administrativa
6 Ángel González Villarquide – Hostaleiro
7 Ana María Álvarez Gómez – Supervisora de enfermaría
8 Susana Fernández López – Orientadora laboral
9 Jovana Oroza Castro – Enxeñeira
10 Maximino Otero González – Armador
11 Diego Rozas Regal – Auxiliar administrativo
12 Josefa Yáñez Cao – Xubilada
13 Alberto José Ramos Arda – Responsable do departamento de cirurxía no Hospital Comarcal da Mariña
Suplentes:
Belinda Romero Oroza – Auxiliar de clínica
Jenaro González Debasa – Encargado da empresa de limpeza no Hospital Comarcal da Mariña
Carlos Saa Fernández – Xubilado
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
