Burela, 9 de maio, 2023. A empresa Urbaser e a representante sindical da plantilla (da CIG) levan meses, dende novembro, negociando un novo convenio que regule as súas condicións de traballo na Limpeza Viaria, Recollida do Lixo, xestión do Punto Limpo e Limpeza de Praias do Concello de Burela.
O convenio que rexía para esta actividade decaeu no 2011 logo de que representacións sindicais anteriores non negociasen un novo e ao non ter este cláusula de ultraactividade. Para Vanessa Prieto, delegada da CIG, “é obvio que esta situación non é a desexable, en primeiro lugar porque temos un vacío legal, e mesmo hai traballadores/as de primeira e outras/os de segunda no sentido que algúns, como persoal subrogado de anteriores empresas, temos dereitos dese antigo convenio consolidados e o persoal con menos antigüidade ten só os do estatatuto dos traballadores, e en segundo porque na práctica esta situación tamén supuxo que teñamos os salarios practicamente conxelados dende o 2011. Por iso o obxectivo cando me presentei ás eleccións sindicais era claro, volver a ter convenio colectivo, recuperar dereitos e recuperar cando menos parte do poder adquisitivo perdido”.
Nese senso en novembro do ano 22 iniciáronse as negociacións coa empresa que recoñeceu a anomalía da situación e se aveu a negociar. Porén, despois de varias reunións, as negociacións non avanzan e as posicións están alonxadas.
A pinga que colmou o vaso foi que despois dunha asemblea da plantilla, celebrada o 30 de marzo, se enviou unha nova proposta, rebaixando ademáis en boa medida as pretensións iniciais. Logo de máis dun mes sen resposta da empresa, a plantilla volveuse a reunir o o 4 de maio e desa asemblea saiu un calendario de mobilizacións, con data de inicio para o mércores 10 cunha concentración diante do concello. Enterada das mesmas, a empresa púxose en contacto para manter unha nova reunión, que ven de celebrarse na tarde de hoxe. Na mesma indicouse que non se acepta a última proposta da parte social pero que fan unha invitación a seguir negociando, iso si, ampliando a vixencia do convenio e concentrando os incrementos nos últimos anos da mesma.
Segundo Xoán Díaz, de CIG Servizos, “aínda que recoñecen o insólito da situación a realidade é que a empresa non parece que esté pola labor. Primeiro alegando que a concesión era deficitaria presentou unha oferta ridícula e agora despois de dar a calada por resposta á nosa última proposta, cando ven que hai mobilizacións tentan que as desconvoquemos presentando unha nova proposta de negociación que nin sequera se concreta en cifra ningunha. Nós agotaremos todas as vías de negociación e non temos problema en explorar as vías que se nos presenten pero entendemos que iso ó compatible con manter a folla de ruta das mobilizacións, e polo tanto mañá mércores, ás 11,00, comezaremos as concentracións dinate do concello”.
Resulta curioso que a empresa alegue que a concesión é deficitaria, primeiro porque custa crer que unha empresa da dimensión de Urbaser poida fallar tan estrepitosamente na previsión cando presentaron a oferta e en segundo lugar porque a concesión actual se licitou en 200,000 euros máis que a anterior. E se en realidade é, como din deflcitaria, tampouco entendemos porque non abonan a cláusula de penalización e rescinden unilateralmente o contrato, que aínda remata no 24.
A realidade, mentres, é que o tempo segue pasando e as condicións da plantilla cada vez se quedan máis desfasadas pois as únicas subidas salariais que viron, foron as obrigadas pola subida do SMI e estas non cubren nin de lonxe os actuais custes de vida nun momento ademais de inflacción disparada.
Así as cousas a plantilla vese na obriga de iniciar as concentracións , que se celebrarán diariamente ás l1,00 diante do concello, e se a situación non muda radicalmente e non se avanza favorablemente nas negociacións, de iniciar unha folga indeflnida a partir do día 22.
Ambos representantes sindicais afirman que “non é unha situación desexada, pero non nos queda máis remedio que dar un golpe na mesa e loitar por recuperar dereitos e por dignificar o traballo e as condicións destes compañeiros e compañeiras”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
