Burela, 4 de maio de 2023. O alcalde, Alfredo Llano, fai un balance moi positivo das bandeiras azuis que neste 2023 lucirán as praias de A Marosa, O Portelo e Ril, así como o barco museo Reina del Carmen e o Centro de Educación Ambiental Gaia. O rexedor subliña que “estes recoñecementos son froito do traballo ben feito”.
O rexedor manifestou que “é unha cuestión importante que se volva recoñecer coa bandeira azul ás praias da Marosa, de Ril e do Portelo. É unha distinción que penso que merece Burela dadas as características das augas que temos nas praias, cunha valoración de excelente, e ademais porque se fixeron cousas aquí que realmente dan importancia ao que temos nos areais. Procuramos que estean sempre en perfecto estado e que teñan o máximo de servizos, de seguridade e de atractivos”.
Llano contou que “agora mesmo está a pala da Deputación arranxando a praia do Portelo e inmediatamente despois vai pasar á da Marosa, que vai quedar perfecta para ser empregada. Enseguida se colocará tamén o mobiliario, como papeleiras, sombrillas, etcétera. Vanse preparar todas as instalacións”.
O alcalde burelés dixo: “hai que ter en conta que tanto na praia da Marosa como na do Portelo, sobre todo nesta última, fixéronse melloras recentemente. No Portelo unha das baixadas preparouse perfectamente con bo material, adoquín e madeira, para facilitar o acceso ás persoas que o necesiten por algunha circunstancia, incluso para chegar ao areal en cadeira de rodas porque quedou unha baixada moi suave. Está moi ben e de acordo coa normativa actual, pero ademais deixa a esta praia preparada dunha maneira especial. Tamén se colocou un miradoiro con vestidor para que a xente o utilice. E na Marosa tamén se van facer os preparativos e colocar o mobiliario necesario. E recentemente fíxose alí un parque extraordinario para que @s nen@s poidan disfrutar tamén dos xogos que están alí instalados”.
Alfredo Llano subliñou que “estas bandeiras azuis son tres recoñecementos para as praias de Burela moi merecidos porque penso que se están facendo as cousas ben. Estas distincións únense ás que veñen de recibir o Centro de Educación Ambiental Gaia e o barco museo Reina del Carmen, motivo polo que estamos especialmente satisfeitos”. E lembrou que “un ano máis, tal e como xa nos comunicaron hai varias semanas, a ruta do litoral burelés conta de novo neste 2023 co recoñecemento de sendeiro azul”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
