García Bermúdez afronta esta nova etapa “con proxectos de futuro, reais, claros e concretos, e con forza, ganas de seguir traballando, con ilusión e co aval da experiencia, do coñecemento e tamén da nosa traxectoria”
Trabada, 25 de maio de 2023. A Alcaldesa de Trabada e candidata socialista á reelección, Mayra García Bermúdez, pediu hoxe o apoio dos seus veciños e veciñas “para seguir traballando por Trabada, para mellorar o noso pobo con humildade e respecto”.
Os socialistas da localidade celebran mañá o mitin de peche de campaña ás 22:00 horas na Casa da Cultura, coa presenza de Patricia Otero, Deputada no Parlamento de Galicia; César Mogo, Senador, e Ismael Rego, ex Deputado autonómico.
Mayra García Bermúdez agradece “o interese e as propostas dos veciños e veciñas nesta campaña, onde fixemos un repaso dos últimos anos e falamos de futuro, de proxectos que xa temos moi encamiñados para Trabada”.
Oito anos de avances
A socialista subliñou que, despois de oito anos á fronte da Alcaldía, “froito da nosa xestión e do esforzo de todos, saímos da parálise na que o PP nos tiña inmersos”. Neste sentido, incidiu nos importantes avances en materia de servizos, urbanismo, apoio ó sector primario e infraestruturas que conseguiu xunto co seu equipo nestes dous mandatos, subliñando que afronta esta nova etapa “con proxectos de futuro, reais, claros e concretos, e con forza, ganas de seguir traballando, con ilusión e co aval da experiencia, do coñecemento e tamén da nosa traxectoria”.
Trabada, líder do desenvolvemento rural sostible en Galicia
Como resultado desta boa xestión, na actualidade Trabada lidera o primeiro Índice de Desenvolvemento Rural Sostible de Galicia, realizado polas universidades de Santiago e A Coruña, e que avalía a situación de cada un dos 114 concellos rurais galegos de menos de 2.000 habitantes, tendo en conta diferentes variables. “O noso concello é o número 1 en Galicia”, recalcou a candidata socialista.
Así mesmo, dende que goberna, Mayra García multiplicou por dez o importe económico destinado a investimentos con respecto á etapa do PP.
Outro dato que demostra “o traballo eficaz e útil” que fai a Alcaldesa e candidata é que o ritmo de perda de poboación baixou do 20% anual na etapa do PP ata acadar o 4%.
“Nestes oito anos, puxemos en marcha numerosos servizos públicos, como o Punto de Atención á Infancia e o Centro de Atención as Maiores”, ademais de duplicar o persoal do Servizo de Axuda no Fogar. O Goberno local liderado por Mayra García Bermúdez tomou a iniciativa de rehabilitar antigas vivendas de mestres para aluguer social; promove unha axenda cultural e de lecer transversal e durante todo o ano; e aumentou o número de dotacións públicas municipais, tanto deportivas, como parques infantís ou para a promoción social, cultural e turística.
No ámbito urbanístico, Trabada foi o primeiro Concello galego que aprobou un Plan Básico Municipal. Tamén adoptou medidas de apoio ó sector primario, que é estratéxico, como a mellora dos accesos ás explotacións, bonificacións fiscais ou a posta en marcha do servizo de recollida porta a porta de plásticos agrícolas.
Así mesmo, prestou especial atención ás infraestruturas, mellorando as vías de comunicación e conseguindo que, “coa nova licitación do servizo de abastecemento de auga potable, o noso Concello deixe de pagar polas fugas que se xeran na rede de abastecemento municipal que depende do Concello de Ribadeo”.
Proxectos de futuro
Para seguir avanzando, a socialista xa ten en marcha “proxectos de futuro”, “realidades”, como “a construción dun Centro Social na Ría de Abres, que imos executar tan pronto teñamos os fondos”; a construción dun auditorio; a mellora da piscinas municipais; a reforma integral do teleclub de Vilaformán; a renovación do pavimento da rúa Joaquín Velasco; a creación dun campo de bolos e a mellora e peche do campo de fútbol; a mellora das cubertas do Concello e da Cámara Agraria; a mellora das rutas de sendeirismo; a cobertura total de fibra óptica no municipio; ou un programa de atención ás persoas maiores, que desenvolverá grazas á unha axuda do Goberno do Estado por importe de 146.000€ -o único concello da provincia que conseguiu a axuda- e que inclúe acompañamento hospitalario ou servizos fisioterapéuticos e de terapia ocupacional nas casas.
“Somos a única opción fiable para dirixir o futuro do noso pobo. Fronte ó abandono e a desidia do PP, que como único proxecto en Trabada ten o de criticarme e insultarme, temos o modelo do Partido Socialista, de traballo e xestión, como temos demostrando e como seguiremos demostrando, se os veciños nos dan a súa confianza”, asegura.
Dende o Partido Popular “aínda levan mal que gañara unha muller e que sexamos humildes, pero no 2015 dixemos non á cacicada e agora tamén. Son os mesmos e veñen con rancor e para facer revancha. Aquel que dubide de votarnos, que pense ben o que fai co seu voto porque o voto do PP é un voto de respaldo ó odio e á maldade. É o único que se lles dá ben. Na xestión, aínda que sei que nunca é suficiente todo o que facemos e que temos fallos, gañamos nós”, recalcou.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
