O Vicedo, 4 de maio, 2023. O BNG presentou a súa candidatura á alcaldía de O Vicedo que encabeza Miguel Gómez Fraga, mantedor mecánico na factoría de Alcoa e tamén gandeiro. Este vicedense de 31 anos, vinculado así mesmo ao mundo do motor a través de equipos de rally, lidera unha candidatura con ideas claras, con proxecto e vontade de sumar. Pecha a mesma Néstor Rego, deputado no Congreso e vicedense da parroquia de Cabanas.
“Imos traballar coa máxima ambición e imos dar o mellor de nós. O noso obxectivo é obter o mellor resultado posible para levar adiante o noso proxecto municipal co que queremos liderar a mellora e o avance que desexamos para O Vicedo, para que teña un horizonte de futuro” manifestou Gómez Fraga, que engadíu tamén que “somos conscientes que no noso concello hai persoas que queren, coma nós, o mellor para O Vicedo, polo que queremos dialogar, sumar e contar con quen tén boas ideas para mellorar a vida das veciñas e veciños e para facer valer os intereses do noso concello”.
No número 2 figura Adrián Piñón Domínguez, que foi concelleiro tamén na corporación vicedense. No numero 3 vai Xosé Penabade González e no 4 Susana Riveira, no seu día tamén concelleira do BNG. Continúa a lista con Jaime Baltar Infante no nº 5, Chus Polo Pigueiras no 6, Sandra Gómez no 7, Xosé Riveira Fernández no 8 e no 9, pechando a candidatura Néstor Rego Candamil.
“Para o BNG de O Vicedo é unha honra que Néstor nos acompañe na lista e colabore con nós, pois o traballo que está a facer no Congreso polo país e pola nosa comarca é inmenso” manifestaron as compañeiras e compañeiros do BNG vicedense.
Por outra parte, o deputado do BNG no Congreso mostrou a súa satisfación e orgullo por “poder formar parte da candidatura do BNG ao Concello do Vicedo” concello onde naceu. Néstor Rego sinala a gran capacidade das persoas que compoñen a candidatura, encabezada por Miguel Gómez, cun proxecto político como o do BNG “que pode sacar O Vicedo da situación en que se atopa”.
“A experiencia dinos que o PP non é nin será capaz de sacar o concello do Vicedo do esmorecemento. De facto, o PP é o responsábel porque se se puxo O Vicedo no mapa galego foi polas malas prácticas do PP, mesmo polos casos reiterados de corrupción. Nós, o BNG, o que queremos é que O Vicedo estea no mapa político de Galiza polas boas prácticas e poder ser, como noutros concellos gobernados polo BNG, coñecidos por seren capaces de transformar en positivo o concello” afirmou o deputado do BNG e candidato polo Vicedo.
Ademáis do propio candidato á alcaldía e de Néstor Rego interviron no acto tamén, o alcalde de Muras Manuel Requeixo e a alcaldesa de Barreiros Ana Ermida, que según afirmou o candidato Gómez Fraga son concellos modelo BNG e que ademáis tenen semellanzas co noso concello, un no que respecta ao interior e á montaña e outro no que respecta ao litoral con moitas praias de calidade ao igual que O Vicedo. “Para nós os gobernos de Muras e Barreiros son referencias e queremos telos de modelo de goberno”, asegurou Gómez Fraga.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
