A mobilidade e a conexión entre as diferentes vilas mariñás, no centro da acción política do BNG, concello a concello
A Mariña, domingo 21 de maio 2023. O deputado no Congreso Néstor Rego reuníuse con membros do BNG de A Mariña, entre os que estaban o candidato de O Vicedo Miguel Gómez Fraga, o alcalde de Muras, a alcaldesa de Barreiros, o deputado Daniel Castro e o responsable comarcal Antonio Veiga, nas pontes do Sor, punto de unión das comarcas de A Mariña e Ortegal, comarcas totalmente desconectadas desde que afastaron a Autovía do Cantábrico do occidente mariñao. Os nacionalistas reclaman unha Mariña conectada e acabar coas décadas de atraso que sufre en materia de infraestruturas.
Fenda territorial, agravada na Mariña pola ausencia de infraestruturas
A profundísima fenda territorial, con graves consecuencias a curto e medio prazo na Mariña se non se frea o seu avance, foi agudizada por un deseño de infraestruturas que tampouco tén en conta a mobilidade interna, con graves carencias nos servizos de transporte colectivo de proximidade ou de conexión entre as diferentes vilas da Mariña, donde a A-74 Barreiros-San Cibrao e a VAP Costa Norte San Cibrao – Ferrol quedan reducidas a meros anuncios desde hai dúas décadas, donde o Feve segue esmorecendo, o transporte colectivo non cubre as necesidades de mobilidade da poboación, e mentras tanto os gobernos do Psoe e do PP no Estado e na Xunta siguen marxinando á comarca máis dinámica da provincia xusto cando atravesa un dos seus momentos máis difíciles.
Néstor Rego, que levou ao Congreso en innumerables ocasións estas situacións mencionou tamén como exemplo do desleixo con que é tratada esta comarca,ao derrube da N-642 na entrada de Burela no mes de xaneiro, que de momento e catro meses despois ainda está en reparación. “É inconcebible que en casos coma o do derrube da Areoura non existira nin exista ningún vial en condicións alternativo á N-642, o que vén a demostrar unha vez máis o total abandono das infraestruturas por parte do Estado na comarca da Mariña, que leva máis de dúas décadas agardando pola A-74 sen que ningún dos sucesivos gobernos de un e doutro signo fose capaz de construir nin un só km de autovía”.
Infraestruturas para facilitar a mobilidade, concello a concello
A mobilidade e tamén a conexión entre as diferentes vilas mariñás, é un dos temas que está no centro da acción política do Bng na comarca e no centro dos seus programas, concello a concello. Neste sentido os nacionalistas consideran básico o transporte colectivo, por estrada ou ferrocarril, “porque eso mellora a vida das persoas, que son o centro da nosa acción política, pero para eso hai que dispoñer das infraestruturas correspondentes, infraestruturas necesarias tamén para a entrada e saída de mercadorías, e aí os municipios mariñaos tenen que posicionarse claramente como fai o Bng desde os concellos donde tén responsabilidades de goberno ou desde as institucións donde tén presenza” afirmou o responsable comarcal Antonio Veiga.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
