A Festa da Romaxe das Cruces é unha festa de interese turístico a nivel autonómico
Ribadeo, 1 de xuño de 2023. O actual voceiro do Grupo Municipal Popular e deputado autonómico, Daniel Vega, agradeceu profundamente o traballo da asociación veciñal e a comisión de festas pola organización da Festa da Romaxe das Cruces, unha festa de Interese autonómico que “detrás de tanto traballo, hai un traballo por conservar o noso legado histórico”. “É unha festa que conxuga tradición e historia e creo que é moi importante loitar pola súa conservación”, di Dani Vega.
Vega explica que a colaboración do “noso grupo municipal coa comisión de festas e coa Xunta de Galicia”, permitiu levar a cabo unha vez máis a recreación da batalla polo Bruxo Queiman e Andrea Pousa, así como a actuación do grupo Treixedura. Neste sentido o voceiro dos populares subliña que “creo que este traballo conxunto comeza a dar os seus froitos e vamos a seguir conservando este legado histórico e seguiremos nesta liña, loitando para que as festas tradicionais do noso municipio se sigan a celebrar”.
PROGRAMA
O domingo 4 de Xuño, comeza a Festa da Romaxe das Cruces en Arante ás 12.00 horas coa Bendición dos Campos, procesión, bandeo do Pendón e reverencia das cruces, acompañados do grupo de gaitas de Tovar.
A continuación, misa solemne e ás 13.30 horas, sesión vermú co grupo Cano. Ás 15.00 horas asistentes poderán participar na III Comida Romaxe dás Cruces no campo da festa. Ás 17.30 horas levará a cabo a representación da batalla polo Bruxo Queiman e Andrea Pousa e a continuación Treixadura ofrecerá un concerto, mentres que o broche final da festa poñerao a actuación do grupo Cano.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
