A subdelegada destacou a implicación do persoal do centro vilalbés para ofrecer unha programación, centrada na literatura, atractiva para máis de 100 estudantes, que amosa o bo facer dos centros da provincia
Vilalba, 6 de xuño de 2023. A subdelegada do Goberno en Lugo, Isabel Rodríguez, felicitou hoxe en Vilalba ao equipo docente e directivo do IES Santiago Basanta Silva polo seu gran traballo na promoción da lectura entre o alumnado do centro, tras ser recoñecido co primeiro galardón nos Premios Clubes de Lectura Escolares de toda España, na modalidade de centros de Secundaria, que concede o Ministerio de Educación e Formación Profesional. Fíxoo durante unha visita este martes, acompañada da alcaldesa en funcións, Elba Veleiro; a concelleira de Educación, Antía Rama; así como da directora do instituto, Mari Trillo; e a responsable do proxecto, Sabela Tenreiro; para coñecer de primeira man as actividades que levan a cabo no Club de Lectura `Almas de tinta´.
Isabel Rodríguez enxalzou a implicación do persoal do centro vilalbés para ofrecer unha programación, centrada na literatura, atractiva para os estudantes de todas as idades, que amosa o bo facer dos centros da provincia. Ademais, a subdelegada animounos a continuar nesta liña de traballo que repercutirá nunha mellora educativa e no futuro profesional dos propios alumnos.
O proxecto educativo conta con máis de 100 participantes, de todos os niveis educativos de secundaria e bacharelato, ademais dun grupo de adultos integrado por profesorado e veciños e veciñas do municipio. “Sodes un exemplo da importancia que ten promover plans orientados no desenvolvemento e crecemento dos rapaces e rapazas a través da lectura, con tempos diarios dedicados a ela, formando a lectores competentes, un dos grandes obxectivos do sistema educativo”, salientou a subdelegada.
Neste senso, Isabel Rodríguez avanzou que este recoñecemento do Goberno vai acompañado dunha achega económica de 4.500 euros destinada á realización de actividades “para conseguir que a lectura rompa as fendas estruturais e convértase nun hábito social real”.
`Almas de tinta´
O club de lectura do IES Santiago Basanta Silva leva dez anos servindo como rede neurálxica para as actividades do centro, realizando acampadas na biblioteca, actos de presentación de autores, faladoiros radiofónicas, roteiros literarios ou representacións teatrais, que proceden da literatura e da lectura de títulos como Aire Negro de Agustín Fernández, Frankestein ou Verne e a vida secreta das mulleres planta de Ledicia Costas, entre numerosos títulos.
A este respecto, a subdelegada na provincia subliñou que a iniciativa deste centro va máis alá dos libros, partindo deles, “danse numerosas actividades de distintas manifestacións artísticas que chegan a fora do centro e que fan atractiva a cultura para a sociedade vilalbesa, ofrecendo ideas orixinais, puntos de vista e novos coñecementos, impregnando na cidadanía un gran labor de dinamización”.
Durante o encontro, as profesoras explicaron que cada trimestre o profesorado escolle un ou dous libros, baseándose nas súas propias experiencias ou de propostas do alumnado e ao rematar de lelo, realizase unha actividade relacionada coa temática do mesmo.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
