Daniel Castro, cabeza de lista do BNG ao Congreso, comprométese a defender os intereses da Mariña no Congreso “tal e como defendín no Parlamento de Galiza até o de agora”
Xove, 21 de xuño de 2023. O Bloque Nacionalista Galego asina o “Manifesto de Xove” en defensa da Mariña futuro coa presenza do deputado do BNG no Congreso, Néstor Rego, e o cabeza de lista polo BNG en Lugo, Daniel Castro. A frente nacionalista rende contas sobre o traballo realizado durante esta última lexislatura na cámara baixa, pondo en valor os compromisos arrancados ao executivo estatal –como a continuidade da actividade en Alcoa, as emendas da Lei de Pesca- mais comprométese a traballar na seguinte para que o Goberno do Estado asuma os investimentos, sobre todo en materia de infraestruturas, que a Galiza precisa. Así mesmo, adianta a necesidade de que a Galiza conte cun Grupo Galego forte en Madrid, que conte con representación da comarca da Mariña para avanzar na Axenda Galega e na conquista de dereitos e liberdades.
O deputado do BNG no Congreso, Néstor Rego, fai balance do traballo realizado e fixa novos compromisos nunha reunión mantida coas e cos novos concelleiros da frente nacionalista na comarca da Mariña, actividade que tivo sempre como obxectivo a defensa dos intereses da Galiza e das maiorías sociais. “Non houbo problema nin solución que o BNG non tivesen levado ao Congreso durante esta lexislatura” inicia a súa intervención o deputado nacionalista. De facto, a respecto da crise de Alcoa, a frente nacionalista conseguiu sacar adiante resolucións en favor da continuidade da actividade industrial, apoiando as demandas dos traballadores e traballadoras da factoría.
No sector pesqueiro, Rego, tamén pon en valor as emendas introducidas na Lei de Pesca para que o Goberno do Estado estabeleza os mecanismos necesarios para que as e os mariñeiros poidan votar estando embarcados en altura ou gran altura. “Así mesmo, grazas ás emendas do BNG, o executivo, por lei, deberá promover convenios colectivos no sector pesqueiro para garantir as condicións laborais dignas, así como elaborar un catálogo de enfermidades profesionais que atenda, de maneira específica, as condicións de penosidade e exposición a axentes físicos” engade o deputado.
Así mesmo, o BNG fixa os compromisos e obxectivos para a vindeira lexislatura, na que seguirá a traballar para que se atendan as necesidades da Galiza e pola defensa dos intereses da Mariña. Neste sentido, e ante o total desinterese e pasividade demostrado por parte do executivo estatal, o BNG asina o “Manifesto de Xove” para A Mariña do futuro. Un decálogo que asinan as concelleiras, concelleiros, alcalde, alcaldesa e tenentes de alcalde do BNG na Mariña, así como as persoas candidatas do BNG na Mariña para o Congreso e o Senado, a comezar polo cabeza de lista á cámara baixa, Daniel Castro: “comprometémonos a defender estas propostas alí onde teñamos presenza, sendo cuestións básicas para o desenvolvementos económico e social da Mariña” avanza.
Rego sinala tamén que, nun previsíbel escenario sen maiorías absolutas, é necesario un Grupo Galego Forte en Madrid, que utilice os seus votos decisivos para defender os intereses da Galiza e da Mariña “As persoas que votaron o BNG o 28 de maio darían representación ao BNG pola provincia de Lugo. Por tanto, é perfectamente posíbel e estamos convencidos de que o farán, de que volverán a coller a papeleta do BNG sabendo que é o mellor para esta comarca e para esta provincia. Cun BNG con máis forza en Madrid, A Mariña terá voz no Congreso con Daniel Castro” defende o deputado nacionalista.
Impulso da Mesa polas Infraestruturas da Mariña
“A pesar de que o BNG rexistrou numerosas de iniciativas, incluídas emendas para partidas para aumentar o investimento nos Orzamentos do Estado de 2021, 2022 e 2023, para rematar coa discriminación histórica que sofre a comarca da Mariña en materia de infraestruturas, os partidos do goberno non as apoiaron negándose a defender os intereses de Lugo e da Galiza” denuncia o deputado do BNG no Congreso.
A promoción de infraestruturas, elemento fundamental para o desenvolvemento social e económico de calquera territorio, continúan a ser unha materia pendente para esta comarca que, a pesar de posuír enormes potencialidade, arrastra unha discriminación histórica. “A A-74 careceu, durante os sucesivos proxectos de Orzamentos, de investimento e mesmo PSOE e UP rexeitaron as emendas do BNG para dotar de recursos suficientes a construción dos tramos San Cibrao-Burela, Foz-Burela, Foz-O Carme e O Carme-Barreiros” exemplifica.
Da mesma maneira, engade o deputado do BNG, rexistramos distintas iniciativas para mellorar a seguranza viaria da N-634 e a N-642. Con especial atención para esta última estrada citada, xa que tamén se rexistraron iniciativas para o seu arranxo, o máis áxil e rápido posíbel, após o desprendemento de parte da estrada á altura de Burela de camiño a Foz.
Así mesmo, “queremos unha comarca conectada, con infraestruturas propias do século XXI. Por iso aspiramos a remodelar a liña de FEVE que permita frear o progresivo desmantelamento que está a sufrir” reclama o cabeza de lista, Daniel Castro. Alén da modernización da liña e a dotación de persoal suficiente, o deputado nacionalista no Congreso, Néstor Rego, lembra as iniciativas rexistradas para que o Goberno do Estado estabeleza medidas compensatorias polo material rodante após coñecer as deficiencias atopadas na fase de estudo e deseño e o retraso que suporá a entrega do novo material.
Ademais, para avanzar no desenvolvemento socioeconómico da comarca, engade Rego, a organización nacionalista tamén destacou as iniciativas para a liberalización do dique norte de Morás e a creación da Autoridade Portuaria en San Cibrao. “Unha reivindicación do tecido socioeconómico da comarca que o BNG atendeu e presentou na cámara baixa para xerar un maior dinamismo económico da Mariña sen que a súa creación provocase un gasto económico para a Administración” subliña.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
