Os populares censuran que o Executivo non detalle a situación por especialidades nin o número de efectivos destinados á seguridade cidadá e ao servizo de Tráfico
A Mariña, 3 de xuño de 2026. O PP lucense advirte que “o Goberno de Sánchez recoñece por escrito que mantén sen cubrir o 17% das prazas da Garda Civil que recolle o Catálogo para a provincia”. Segundo a resposta remitida polo Executivo ás preguntas formuladas polos senadores José Manuel Barreiro, José Manuel Balseiro e Juan Serrano, actualmente existen 169 vacantes sobre un total de 1.092 postos.
Os senadores populares consideran que “o que di ministro do Interior, Fernando Grande-Marlaska, é fume” porque “fala do incremento do número de axentes nos últimos anos; pero a realidade é que, a día de hoxe, continúan vacantes case dúas de cada dez prazas previstas para a provincia”, sinalan.
Os populares censuran, ademais, que o Goberno evitase responder a cuestións fundamentais formuladas na iniciativa parlamentaria. En concreto, lamentan que non facilitase información detallada sobre o nivel de cobertura das distintas especialidades, nin sobre os efectivos adscritos a áreas tan relevantes como a seguridade cidadá ou a Agrupación de Tráfico.
Os representantes do PP lembran que a provincia de Lugo presenta unhas características territoriais singulares, cunha ampla extensión rural, unha elevada dispersión da poboación e unha importante rede viaria, circunstancias que fan especialmente necesaria unha presenza suficiente da Garda Civil para garantir a seguridade e a atención aos cidadáns.
Polo tanto, censuran “as escusas” do Goberno de Sánchez que pretende xustificar este déficit de efectivos na provincia asegurando que “o total de postos de traballo do catálogo está previsto para unha dotación máxima de efectivos nas diferentes plantillas que en escasas ocasións alcanza a ocupación total”.
Os senadores por Lugo reclaman ao Ministerio do Interior que adopte as decisións necesarias para avanzar na cobertura efectiva das prazas vacantes de forma que “se reforce a atención aos cidadáns da provincia ao mesmo tempo que se melloran as condicións dos axentes”.
A necesidade de incrementar os efectivos é, de feito, unha das reivindicacións do propio colectivo que ten trasladado en diversas ocasións aos representantes do PP a través das súas distintas asociacións profesionais.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
