Ribadeo, 27 de xuño, 2023. O BNG de Ribadeo lémbralle a Daniel Vega as veces que ten criticado, cando estaba na oposición, o salario do anterior alcalde por consideralo excesivo. Facendo gala dunha enorme demagoxia, insistía día si e día tamén que un veciño que amase o seu pobo non precisaría cobrar esas cantidades de diñeiro, que o que realmente importaba era demostrar o amor por Ribadeo con feitos e non a través dunha nómina. Cantas veces non teremos escoitado ou lido afirmacións deste tipo que sempre contaban co beneplácito de Daniel Vega á hora de criticar a Fernando Suárez Barcia no salón de plenos e fóra del! Pero agora chega a hora dos feitos, non da leria barateira.
No pleno de organización do pasado xoves 22 de xuño, ademais das delegacións e a asignación de áreas aos concelleiros e concelleiras, tamén se fixaron os soldos do alcalde e do resto das concellarías con dedicación, é dicir, con retribución económica. No tocante ao alcalde aprobouse cos votos a favor do PP unha retribución de 52.272€, mentres que para a concellaría de Medio Rural, Medio Ambiente e Infraestruturas estableceuse un soldo anual de 33.000 €. Así mesmo, para a concellaría de Recursos Humanos, Seguridade e Atención Cidadá aprobouse unha asignación de 18.000 € ao ano.
Pois ben: lonxe de toda demagoxia, o grupo municipal do BNG de Ribadeo decidimos absternos neste punto. Como grupo que lidera a oposición realizaremos o labor propio de control da acción do goberno e que esa acción se realice dende a honestidade, a lealdade ao pobo de Ribadeo e a coherencia co manifestado noutros mandatos; o concello de Ribadeo ten a suficiente envergadura como para requirir da dedicación exclusiva de varias persoas. A legalidade marca uns parámetros e a eles nos ativemos sempre que ostentamos responsabilidades de goberno. Curiosamente, os que antes nos criticaban, agora superan claramente as asignacións que nós tiñamos.
Lembrámoslle ao Sr. Vega que un gobernante debe ser honesto e coherente coas súas manifestación e os seus feitos, que durante os catro anos do anterior mandato escoitámoslle dicir por activa e por pasiva que o anterior alcalde de Ribadeo era o que máis cobraba e agora el, no primeiro pleno do presente mandado, o primeiro que fai e subirse o salario xa establecido chegando incluso ao tope legal para os concellos de ata 10.000 habitantes. Tamén lle lembramos como hai catro años el mesmo e o seu grupo, o PP, daquela na oposición, votaban en contra de que o equipo de goberno do BNG contase con dúas dedicacións a cargo do Concello (a do alcalde e máis a dun concelleiro) e agora aproban para este novo mandato tres adicacións cun incremento de custos salariais de máis de 20.000€ ao ano.
Como se ve, e léase con ironía, toda unha lección de coherencia entre o que se decía en campaña ou precampaña e agora se aprova desde o goberno. Tamén unha maneira de desperdiciar unha excelente oportunidade de demostrarlle ao povo de Ribadeo que vai gobernar con lealdade, honestidade e coherencia. Lémbranos a Mariano Rajoy cando se presentou ás eleccións dicindo que ía baixar os impostos e nada máis chegar ao poder subiunos, recortou o salario dos funcionarios e conxelou as pensións.
Parece que hai cousas que non cambian.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
