Ribadeo, 16 de xuño de 2023. O segundo trimestre cultural do Concello de Ribadeo remata co programa Apego e cunha proposta literaria musical e visual.
A concelleira de Cultura, Pilar Otero Cabarcos, dixo que “remata o trimestre cunha mostra da liña cultural que se veu desenvolvendo durante estes anos, caracterizada pola calidade, a variedade en canto a públicos e xéneros, a estabilidade da oferta e a colaboración coas asociacións culturais do concello. Así, o vindeiro 24 de xuño teremos a última actividade deste semestre do programa Apego, que como sabemos busca potenciar a transmisión do noso idioma ás novas xeracións”.
A edil explicou que “Na procura das bágoas sereas é unha actividade destinada ás familias con crianzas de 3 anos en diante. Vincula a ecoloxía coa aprendizaxe do léxico relacionado coa mar. Consistirá na recollida de refugallo nunha praia para concienciar sobre o problema da contaminación mariña e con este material construirase un móbil que logo decorará as casas e cuartos infantís. Polas condicións da marea, a persoa encargada de desenvolver a actividade, a ribadense Patricia Pérez Leal, elixiu como escenario a praia de Lóngara, en Barreiros. No aparcadoiro grande deste areal xuntaranse as familias ás catro da tarde, como diciamos, o sábado 24 de xuño”.
Otero Cabarcos sinalou que “o segundo evento, ese mesmo día ás oito e media da tarde no auditorio municipal, é A luz, orión e a nova luz, unha proposta de Miguel Rodríguez Monteavaro, da Universidade de Uvieu e veciño de Boal. Trátase dunha proposta literaria, musical e visual en galego (na variedade asturiana) que pretende contar un conto grazas ás novas formas de expresión do século XXI. A idea principal do proxecto é desenvolver un espectáculo de poesía, son e visuais contemporáneos baseado na revisitación do mito clásico do heroe Orión”.
E engadiu: “o mes remata coa XI edición do Curso de Iniciación ao Jazz e á Música Moderna organizado pola Asociación Cultural Bruar. Colaboran na organización varias entidades, entre elas o Concello de Ribadeo. É este un curso para o que aínda está aberta a matrícula no teléfono 677 73 40 84 e do que poderemos ver unha mostra co concerto final que terá lugar o domingo 2 de xullo”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
