Ribadeo, 30 de xullo de 2023. A Banda Municipal de Música de Ribadeo incorporou a unha nova compoñente, a clarinetista Andrea Fernández Rodríguez, que debutou onte, na XXVII edición do festival de bandas local, no que participaron a formación ribadense e a Banda de Vilalba. Ambas ofreceron un pasacalles desde o Teatro ata o Campo de San Francisco e despois actuaron no auditorio Hernán Naval, con moita afluencia de público.
A banda vilalbesa, dirixida por Daniel Veiga Roca, interpretou estes temas: De Romaxe á Franqueira, de R. Groba; Paisaxes Galegas, de F. J. Cogollos; e La Canción del Olvido, de J. Serrano.
E a de Ribadeo, coa dirección de David Ballester Martínez, tocou estas pezas: Return of the vikings, de Bert Appermont; Fate of the gods, de Steven Reineke; e Odilia, de Jacob de Haan.
Despois as dúas formacións actuaron xuntas e ofreceron Remember me, de Robert Lopez e Kristen Anderson-Lopez, con arranxos de Johnnie Vinson; Coldplay Classics, arranxada por Michael Brown; Bohemian Rapsody, de Freddie Mercury con arranxos de Paul Murtha; e The Blues Factory, de Jacob de Haan.
Antes da última peza David Ballester agradeceu ao director da Banda de Vilalba a súa colaboración para levar a cabo este festival e destacou o esforzo realizado polos músicos para este concerto.
E antes de rematar o evento houbo unha entrega de agasallos por parte da concelleira de Cultura ribadense, Begoña Sanjurjo, aos directores das dúas bandas; e a presidenta da asociación Amadores da Música, Elisa Álvarez, deulle unha placa ao responsable da formación vilalbesa.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
