“Que o PP diga que a atención aos maiores é a súa prioridade é unha burla aos lucenses: Feijóo e Rueda non abriron ningunha residencia pública nos últimos 14 anos nin en Lugo, nin no conxunto de Galicia”.
Meira, 11 de xullo de 2023. O cabeza de lista do PSdeG-PSOE ao Congreso por Lugo, José Ramón Gómez Besteiro, puxo en valor a rede de residencias da terceira idade da Deputación de Lugo, un proxecto que el mesmo puxo en marcha na súa etapa como Presidente da institución e que hoxe “é un referente en España e Europa”, como “a mellor mostra do compromiso coas políticas sociais dos socialistas cando gobernamos”, fronte ao “total abandono do Partido Popular”.
Así o manifestou o candidato socialista xunto ao Presidente da Deputación e Secretario Xeral do PSdeG na provincia, José Tomé Roca, e o Alcalde de Meira, Antonio de Dios, durante a visita que realizaron este martes á residencia da institución provincial neste concello, na que mantiveron un encontro cos usuarios e usuarias.
O número 1 do PSdeG-PSOE ao Congreso contrapuxo o seu modelo ao do Partido Popular na Xunta de Galicia, “que busca facer cartos, privatizando residencias, masificando e deshumanizando e que fracasou na Covid-19, como recoñeceu a Xunta cando dixo que ía reformular o sistema”. O modelo da Deputación, “foi eficaz na pandemia, durante a que non se produciu ningunha morte vinculada á Covid nas residencias provinciais”. Un modelo “que garante a atención de calidade, personalizada, e o arraigo dos maiores, ademais de crear actividade económica e emprego no rural, o 95% feminino, polo tanto, eficaz contra o despoboamento”, destacou.
“Que o PP diga que a atención aos maiores é unha das súas prioridades demostra un descoñecemento alarmante da realidade da nosa provincia e unha burla aos lucenses”, subliñou Gómez Besteiro.
Ademais de “ter un modelo asistencial fallido, Feijóo e Rueda non abriron ningunha residencia pública, nin en Lugo nin no conxunto de Galicia, nos últimos 14 anos, e, en concreto, na comarca lucense non se creou nin unha soa praza residencial pública dende hai 40 anos”, afirmou.
De feito, na actualidade a Deputación ten máis residencias públicas abertas na provincia –un total de 9- ca propia Xunta de Galicia, que conta con 4, cando esta administración dispón dun Orzamento 120 veces maior.
Por riba de non abrir residencias, a Xunta de Feijóo e Rueda “nin tan sequera apoia ás administracións que estamos facéndolle os seus deberes. Nunca aportou un só euro” para a construción e funcionamento dos centros de maiores da institución provincial, co que “está incumprindo o Estatuto de Autononomía e a Lei de Servizos Sociais de Galicia”.
A Xunta mesmo se negou a coñecer o modelo de residencias da Deputación, rexeitando todos os ofrecementos da institución para visitar os centros, o que pon de manifesto, recalcou Gómez Besteiro, “a súa firme vontade de non querer saber nada, nin agora nin nunca, dun proxecto útil e viable, sobre todo para o noso rural”.
Apoio do Goberno central
Fronte a esta “nula colaboración” do Goberno autonómico, a Deputación recibiu nestes anos “o interese, a atención e o apoio” por parte do Goberno de Pedro Sánchez e tamén das institucións europeas. De feito, o Ministerio para a Transición Ecolóxica e o Reto Demográfico coñeceu de primeira man o proxecto, e o Presidente provincial, José Tomé Roca, foi o único de todo o Estado en participar no lanzamento do Proxecto Estratéxico para a Recuperación e Transformación Económica (PERTE) de Economía Social e dos Coidados porque o Executivo central valorou o seu modelo como referente na atención ás persoas maiores.
Un apoio do Goberno de España que Gómez Besteiro se comprometeu a reforzar na vindeira lexislatura porque o modelo “funciona moi ben e porque é exportable ao resto do país”.
Un terzo do Orzamento a políticas sociais
Pola súa banda, o Presidente da Deputación de Lugo destacou que as políticas sociais, que reciben 37M€ dos Orzamentos provinciais, un terzo do total, son un piar da acción do seu Goberno e teñen os centros de maiores, xunto co financiamento do Servizo de Axuda no Fogar (SAF) e da teleasistencia domiciliaria as 24 horas, como eixos fundamentais. “Se non fose polo enorme esforzo que estamos facendo dende a Deputación, non habería nin unha sóa praza residencial pública máis dende fai décadas, e o SAF e a teleasistencia domiciliaria estaría precarizados”.
Na actualidade, a Deputación de Lugo ten en funcionamento 9 centros de atención a maiores noutros tantos concellos rurais da provincia, que suman 209 prazas asistenciais. Trátase de Trabada, Pol, Ribadeo, A Fonsagrada, Castroverde, Pedrafita do Cebreiro, Meira, Navia de Suarna e Ribas de Sil. Ademais, ten en marcha proxectos para abrir outras 9 residencias na Pontenova, Guitiriz, A Pobra do Brollón, Portomarín, Becerreá, O Incio, Cervantes, Folgoso do Courel e Pantón.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
