Burela, 27 de xullo de 2023. O vindeiro sábado, 29 de xullo, terá lugar a sétima edición da carreira Burela Bonita a partir das 19 horas. O percorrido será de 5 quilómetros e haberá premios para as categorías absoluta masculina e feminina, que consistirán en Trofeo e 100 euros para os primeiros, Trofeo e 50 euros para os segundos e Trofeo para os terceiros.
A recollida de dorsais terá lugar na Praza da Mariña o mesmo sábado entre as 11 e as 13 horas pola mañá e de 16 a 19 horas pola tarde. As categorías menores recolleranos a partir das sete da tarde na propia Praza da Mariña.
A carreira Burela Bonita ocasionará modificacións no tráfico rodado en Burela durante a xornada do sábado.
E o domingo disputarase a final do IX Torneo de Tenis Concello de Burela Memorial de José Luis Yebra, que se está a disputar desde o pasado 14 de xullo.
A alcaldesa, Carmela López, comentou que “temos por diante uns días cheos de actividades deportivas e gastronómicas. Esta última fin de semana de xullo o atletismo e o tenis serán os protagonistas xunto ao tapeo do bonito. E haberá máis deporte a primeira fin de semana de agosto coincidindo coa celebración da Feira do Bonito. Son moitos os motivos para achegarse a Burela. Animamos á veciñanza da comarca e aos visitantes a que se acheguen á nosa vila a gozar de todas as propostas deportivas, gastronómicas e culturais que temos preparadas”.
O concelleiro de Deportes, Carlos Méndez, contou que “o Club Baloncesto Burela organiza un ano máis o torneo de baloncesto 3×3 os días 3, 4 e 5 de agosto, coincidindo coa celebración da Feira de Bonito. O evento terá lugar na Praza da Mariña con premios de 600 euros para a categoría senior, 200 euros para o mellor equipo da Mariña e moitos outros para as distintas categorías. Tamén haberá diferentes concursos con trofeo e premios aos campións: concurso de triplas, mates e habilidades”.
O edil burelés, Carlos Méndez, engadiu que “senior, xuvenil, cadete, infantil, alevín e incluso benxamín, tanto feminino como masculino, poderán todos eles participar na competición en equipos de 4 xogadores. Os organizadores indican que as normas do torneo serán as oficiais do 3×3”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
