Castiñeira di que “o Concello de Foz ten outras prioridades; a principal non é subir o custo do goberno”
Foz, 7 de xullo de 2023. Esta tarde celébrase no Concello de Foz o pleno de organización e o grupo municipal do PP xa anuncia o seu voto en contra, porque entende que a reedición do bipartito PSOE-BNG non responde aos intereses do municipio. O portavoz popular, Javier Castiñeira, anuncia: “O grupo municipal do PP votará non a unha nova reedición do bipartito no goberno de Foz, por varias razóns. Por un lado, porque son eles mesmos, os membros dese novo bipartito que se propón neste pleno de organización, os primeiros que desconfían uns dos outros. Así o puidemos vivir nestas últimas semanas, que son as primeiras da lexislatura e nas que o que vimos é que existe un total desacordo e unha absoluta desconfianza entre o Bloque Nacionalista e o Partido Socialista, en definitiva, entre o alcalde de Foz e o que pretende nomear como tenente de alcalde”.
Castiñeira explica: “O PP xa percibiu na pasada lexislatura numerosos desencontros nos que nada tiñan que ver o pensamento e as decisións do Partido Socialista coas do seus socios no goberno (BNG). Outra das razóns é que estamos en absoluto desacordo no incremento do custo do equipo de goberno. Xa batiamos récords no mandato pasado, con 10 concelleiros e varias dedicacións, e agora o que se pretende e duplicalas. O Concello de Foz ten outras prioridades; a principal non é subir o custo do goberno”.
Os populares consideran que as tres dedicacións que propón o equipo de goberno duplicaranse cando se constitúa o goberno da Deputación de Lugo. Entendemos di Castiñeira- “que o alcalde terá unha asignación da Deputación”. Engade: “Non se deixa claro neste pleno de organización quen vai percibir as dedicacións; se o alcalde cede a súa, queremos sabelo de antemán”.
Para os populares, será “un goberno máis caro, con máis concelleiros e máis dedicacións, o que non asegura un mellor goberno; o que necesita Foz non son dedicacións exclusivas ou parciais senón máis dedicación para mellorar o pobo, o que non houbo durante os catro anos pasados”.
Castiñeira di: “Reeditar un bipartito que dende o principio mostra discrepancias e unha probada máis de que priman os intereses persoais e partidistas fronte aos intereses de todos os focenses. O PP fará unha oposición construtiva, propositiva; estaremos aí para o que necesite o equipo de goberno, pero poñendo sempre por diante os intereses do noso pobo”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
