Insistiu en que “co PP a Mariña sempre perde. Vímolo con Alcoa, con Altri e coa VAC. Só hai un voto útil que defende á comarca: o Partido Socialista”
Lugo, 7 de xullo de 2023. O número 1 ao Congreso polo Partido Socialista, de Lugo, José Ramón Gómez Besteiro, anunciou hoxe o compromiso de Pedro Sánchez para iniciar a contratación das obras da Autovía da Mariña, a A-74, o próximo ano. “O inicio da contratación do primeiro tramo será no 2024, respondendo a unha demanda histórica da Mariña porque é unha infraestrutura clave para a mobilidade da Comarca e para o seu progreso social e económico. Falamos dun trazado de 33,5 quilómetros entre Barreiros e San Cibrao, clave para vertebrar e facer progresar á Mariña. Así o explicou nun encontro cos medios no que estivo acompañado por os candidatos ao Congreso e ao Senado César Mogo, Patricia Otero e Carmela López, así como as alcaldesas e alcaldes de Foz, Viveiro, Trabada, Lourenzá, Ourol, A Pontenova e Barreiros e varios concelleiros e voceiros de Mondoñedo, Cervo, Xove, O Vicedo e Riotorto.
“A diferenza de Feijóo, Pedro Sanchez non só se acorda da Mariña en eleccións, a A-74 é unha prioridade para o Goberno socialista e así o demostrou incluindo este ano 2 millóns de euros nos Orzamentos para a redacción dos proxectos nos treitos Barreiros-O Carme, o Carme-Foz e Foz-Burela e para contratar e iniciar a redacción do proxecto do treito Burela-San Cibrao”.
Gómez Besteiro afirmou que “é curioso como o PP sempre reivindica en campaña electoral as mesmas infraestruturas que o seu partido ignorou, paralizou e bloqueou durante os seus últimos sete anos á fronte do Goberno de España”, subliñou. En relación con isto, advertiu que “xa sabemos o que pasará se Feijóo chega ao Goberno, o mesmo que pasou coa VAC Costa Norte, hoxe parada e onde retoñan os eucaliptos. Os proxectos da Mariña volverán ao caixón. Co PP, A Mariña perde”.
A VAC Costa Norte, 14 anos nun caixón
Precisamente, ao respecto da VAC Costa Norte que conectaría San Cibrao con Ferrol, o candidato socialista afirmou que “o Goberno de Pedro Sánchez comezará a construír a Autovía da Mariña antes de que a Xunta do Partido Popular remate coa tan ansiada variante, unha variante convertida a día de hoxe nun eucaliptal”.
“O desprezo do PP aos mariñáns fixo que levemos 14 anos perdidos, pois ano tras ano aparecen partidas nos orzamentos para esta infraestrutura, pero nunca executan nin un só euro. Un proxecto bloqueado sistematicamente polo señor Feijóo e que o actual presidente autonómico amosa a mesma vontade de boicotear“, lamentou Gómez Besteiro.
Neste senso, lembrou que “na provincia de Lugo só hai un tramo feito desta estrada, inaugurado en 2017 con moito atraso e que fora contratado oito anos atrás por un Goberno da Xunta presidido por un socialista, Emilio Pérez Touriño”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
