Os populares advirten que “a comezos de xullo Burela só conta cunha bandeira azul izada, na praia da Marosa” e condenan a “hipocrisía” das palabras da señora López Moreno sobre a man tendida á oposición; xa que “o Grupo Municipal Popular non foi convidado ao izado”
Burela, 10 de xullo de 2023. Os populares de Burela lamentan que “o goberno local bipartito que preside a señora López Moreno non fora capaz de xestionar a carencia de socorristas en Burela”. Pola tardanza na contratación deste servizo por parte do goberno burelés, socorristas de Burela están xa a prestar servizo noutros concellos da Mariña como Foz ou Xove.
O PP insta ao bipartito a “anticiparse” e deixar de “botar balóns fóra culpando á Xunta cando se trata dun servizo de competencia exclusivamente municipal”. Así o subliñan tendo en conta que “no discurso de investidura a señora López Moreno dixo que se responsabilizaba de todo o que sucedese a partir do día 17 de xuño porque era alcaldesa”.
Os populares engaden, ademais, que “existe un comité de praias que se puido ter convocado para abordar esta cuestión porque podían xurdir novas ideas”. De feito, deste comité forman parte membros da oposición coma o concelleiro do Partido Popular Félix Martins que “podía aportar frescura” sobre este tema.
IZADO DAS BANDEIRAS AZUIS
Os populares advirten que “a comezos de xullo só hai un areal coa bandeira azul izada; cando a estas alturas do ano as tres principais praias deberían contar con esta bandeira izada”. Nese sentido, pregúntanse os motivos polos que, por agora, só foi izada a bandeira azul na Marosa.
Por outra banda, condenan outra vez máis a “hipocrisía” das palabras da señora López Moreno no discurso de investidura en relación á man tendida á oposición; xa que “o Grupo Municipal Popular non foi convidado ao izado da bandeira azul na Marosa”. Polo tanto, “lonxe queda a elegancia mantida polo goberno socialista en minoría do señor Llano onde se convidaba a tódolos grupos municipais ao izado das bandeiras azuis”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
