Socialistas e Galicia Baleira propoñen solucións “para vivir do rural e no rural”

Neste encontro coa xunta directiva de Galicia Baleira, José Ramón Gómez Besteiro estivo acompañado por outros membros da candidatura socialista e por catro concelleiros de Pol, entre os que estaba Marina Ramudo, número 2 ao Senado

Lugo, 10 de xullo de 2023. “O problema da Galicia Baleirada está aí, somos conscientes e o Goberno de Pedro Sánchez xa está a traballar en aspectos concretos que responden a moitas das demandas desta plataforma veciñal: Banda ancha no 100% da provincia en 2024, un modelo de residencias para maiores sen listas de espera de 2 anos como as da Xunta, unhas pensións dignas e melloras nas conexións que permitan aos máis novos elixir onde vivir”. O número 1 ao Congreso polo PSdeG-PSOE por Lugo, José Ramón Gómez Besteiro realizou esta reflexión na reunión que mantivo esta mañá na Carballeira de Pol con preto dun centenar de membros de “Galicia Baleira” chegados desde toda a provincia fronte aos que defendeu un modelo de sociedade “que non deixa a ninguén atrás”.

Gómez Besteiro, acompañado por outros membros da candidatura socialista ao Congreso e ao Senado como César Mogo, Patricia Otero, Marina Ramudo ou Eduardo Vidal, recibiu o aplauso de Galicia Baleira cuxos representantes destacaron a súa “capacidade de escoita e as súas achegas” fronte ao silencio “doutros como Rueda ou Ana Pontón, dos que non sabemos nada a pesar de nosas reiteradas peticións de reunión”.

Galicia Baleira entregou ao número 1 ao Congreso por Lugo un manifesto/resumo coas súas principais peticións, moitas delas recollidas no programa socialista da campaña 23X como a implantación de servizos básicos de calidade accesibles e a 30 minutos máximo do mundo rural, máis innovación e mellores oportunidades e mellor atención ás persoas maiores ou programas de arraigamento para ou asentamento de novas familias.

Así mesmo, Besteiro lembrou ou apaoio de Sánchez a descentralización das administracións e as institucións “porque, a pesar do que queren a dereita, non todo ten que pasar por Madrid”.

Asimismo, Besteiro lembrou o apoio de Sánchez a descentralización das administracións e as institucións “porque, pese a o que queren a dereita e a ulttradereita, non todo ten que pasar por Madrid”.

O candidato rematou a súa intervención pedindo o voto para os socialistas no 23X “porque só nós defendemos un rural no que se poda traballar e vivir”.

Visita Queixería Don Crisanto e reunión con empresarios da Terra Chá

Trala reunión con Galicia Baleira, os candidatos, acompañados pola subdelegada provincial do Goberno en Galicia, Isabel Rodríguez, visitaron a Queixería Don Crisanto, empresa familiar fundada nos anos 60 por unhha muller e que a día de hoxe é un exemplo de modernidade sen abandonar o seu labor artesanal. Posteriormente os socialistas mantiveron unha comida de traballo cos representantes da Asociación de Empresarios de Terra Chá.