O novo goberno de VIA logra arrincar os diferentes programas tras só dúas semanas
Alfoz, 6 de xullo, 2023. Tralo nomeamento de Efigenia Maseda como nova alcaldesa de Alfoz o pasado día 17 de xuño, o novo equipo de goberno de VIA atopouse coa necesidade de organizar varios proxectos en tempo récord, a maiores das labores que xa implica tomar o mando do concello.
Neste sentido, foi tarefa da nova alcaldía realizar as contratacións tanto para o Ludiverán, que ademais este ano ve incrementado o seu horario, como para a próxima apertura da piscina, tendo esta última a dificultade engadida da falta de socorristas que se está a sufrir a nivel xeral. Tamén se está a por en marcha o servizo de extinción de incendios e o acondicionamento das rutas de sendeirismo, establecendo como obxectivo neste ámbito que a partir de agora teñan un mantemento máis axeitado.
Desde VIA, “lamentamos profundamente calquera contratempo que puideran sufrir os veciños con respecto a estes servicios, que entendemos que sería desexable ter xa en marcha en algúns casos. Para atallar estes inconvenientes, estamos desexando establecer uns métodos e prazos de traballo que nos permitan nun futuro levar a cabo as iniciativas con moita maior previsión e antelación, xa que entendemos que é fundamental facer as cousas cunha planificación seria para poder obter resultados de calidade”.
Por outro lado, VIA púxose en contacto cos veciños e colectivos que tradicionalmente integraban a organización do mercado medieval, coa proposta de que o pobo volva a facerse cargo da mesma e o papel do concello pase a ser a de colaborador esencial, axudando e apoiando o evento. A proposta gozou dunha fantástica acollida e alédanos ver que a maioría da xente aceptou retomar esta labor e comezou a traballar de contado no evento. Deste xeito, esperamos que o mercado rexurda co esplendor que acadou anos atrás.
Todas estas actuacións cadraron, ademais, cun período de dispoñibilidade limitada de parte do persoal do concello por diferentes circunstancias, co cal houbo tarefas que acabaron recaendo no equipo de goberno en moitas ocasións.
Afortunadamente, o persoal do concello que puido estar dispoñible mostrouse colaborador e resultou imprescindible para sacar adiante estas tarefas mentres se seguían atendendo todas as necesidades do concello, polo que dende aquí queremos transmitir o noso agradecemento.
Despois deste intenso e complicado arranque, temos a vontade de informar máis regularmente de todos os movementos feitos e previstos, así como aumentar a transparencia do concello e a facilidade para os veciños que queiran informarse.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
