Ribadeo, 4 de agosto de 2023. A Festa do Percebe, que se celebra este sábado en Rinlo, contará con servizo de transporte público e gratuíto. O Percebús sairá da estación de autobuses de Ribadeo desde as 11 da mañá. Esta é a principal novidade desta edición, segundo deron a coñecer o alcalde, Dani Vega, e a concelleira de Turismo, Marta Saiz. Pero hai máis, xa que as actividades dan comezo xa o venres.
O rexedor declarou: “xa chegou a Festa do Percebe, algo que estábamos esperando todos os ribadenses e todos os visitantes. Acuiar a Rinlo sempre é unha marabilla, esa vila mariñeira por excelencia e tamén turística que dende o Concello de Ribadeo queremos mellorar e seguir impulsando para atraer a máis visitantes ao noso Rinlo, ao noso de Ribadeo. Dende logo, entre todos seguro que imos poder”.
Dani Vega tivo palabras de agradecemento: “en primeiro lugar, dar as grazas á Confraría de Pescadores e Mariscadoras, tamén aos percebeiros e percebeiras que hai no noso concello, que dende logo están facendo un traballo moi importante, non soamente defender un medio de vida e un sector, senón tamén impulsando unha festa gastronómica como é a Festa do Percebe. Non nos debemos esquecer de que hai que degustar os produtos que da o noso mar”.
O alcalde dixo que “nós dende o Concello o que queremos é colaborar e por iso tamén queremos agradecer á asociación O Cantal, por todas as súas ideas e propostas e dende logo, á Xunta de Galicia por reforzar economicamente esta festa. Polo tanto, entre todas as administración e o sector, somos capaces de facer unha festa moi importante”.
Entre as novidades deste 2023 está o Percebús, un servizo de transporte público e gratuíto para achegarse o sábado desde Ribadeo a Rinlo: “este ano, hai más actividades e tamén temos o Percebús, un medio de transporte público e gratuíto que o quere é trasladar a todas as persoas á festa. Será o sábado e sairá dende a estación de autobuses a partir das 11 da mañá ata ás 14 horas. Tamén, cando remate a festa terá saída de Rinlo a partir das 20 horas e ata as doce da noite. Este medio público e este espazo de seguridade no que tamén queremos converter a festa, é unha idea innovadora. É a primeira vez que se fai porque o que queremos é que haxa seguridade nas nosas festas”, subliñou Dani Vega.
As actividades da Festa do Percebe arrincarán xa o venres. A concelleira de Turismo, Marta Saiz, contou que “este fin de semana terá lugar a Festa do Percebe de Rinlo na que a gastronomía é un dos elementos diferenciadores desta pequena vila, na que os produtos do mar teñen enorme peso; sendo o percebe o prato máis característico. Este ano e nesta edición queremos aumentar a programación e así o día anterior, o 4 de agosto, as actividades estarán dirixidas aos máis pequenos da casa, á mocidade e ao conxunto familiar”.
A edil ribadense explicou que “neste caso o Concello en colaboración coa asociación de veciños O Cantal inclúe na programación unha serie de iniciativas didácticas como unha obra de teatro a cargo dos Quinquilláns titulada Por que é salgada a auga do mar?, un espectáculo ao aire libre para todos os públicos no que dous científicos exploran teorías sobre salinidades nas augas do mar, recuperando así lendas do mundo mariño”.
Saiz engadiu: “tamén contaremos coa actuación musical a cargo da Banda Municipal de Música de Ribadeo acompañada do grupo de teatro Os Quinquilláns No fondo do mar. Con música de fondo da nosa querida Banda Municipal terá lugar un pasarrúas cunha viaxe cara o fondo do mar onde aquelas especies máis descoñecidas: os peixes abisais aqueles que emiten a súa propia luminiscencia, cabaliños do mar, ante os nosos ollos admirados, peixes de cores, … En fin, un espectáculo que animamos e invitamos a contemplar o 4 de agosto na Plaza de San Pedro en Rinlo”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
