O director do Instituto de Estudos do Territorio visitou o inmoble no que se vai actuar
O Vicedo, 10 de agosto de 2023. A Xunta de Galicia concedeu 20.000 euros ao Concello do Vicedo para a mellora exterior dun inmoble municipal destinado a usos sociais, ao abeiro da orde de axudas do Goberno galego para a corrección de impactos paisaxísticos.
Durante unha visita que realizou hoxe ao edificio no que se levará a cabo a actuación, o director do Instituto de Estudos do Territorio (IET), Enrique de Salvador, salientou o compromiso do Concello coa protección da paisaxe ao recorrer a esta liña de financiamento, posta en marcha polo Goberno galego en 2021, para actuacións que permitan corrixir e mellorar o aspecto exterior de vivendas, edificios e equipamentos públicos municipais deteriorados polo paso do tempo e por unha insuficiente conservación.
Deste xeito, segundo explicou o director do IET, que estivo acompañado do alcalde da localidade, Jesús Novo, a intervención prevista consistirá na reparación do soporte e novo revestimento dos paramentos de fachada da antiga escola de Riobarba, hoxe destinada a local social.
Así, levarase a cabo a limpeza de fachada mediante equipo de lanza de auga, a reparación de defectos superficiais mediante morteiro tendido e a aplicación de pintura plástica sobre paramentos verticais. Ademais, efectuarase un tratamento superficial de protección para a consolidación e o selado do revestimento absorbente deteriorado, mediante imprimación incolora, a base de resinas acrílicas en dispersión acuosa.
Cómpre lembrar que a Xunta concederá este ano 1 millón de euros en axudas a preto de medio cento de concellos para apoialos no financiamento de máis de 60 obras e actuacións que contribúan a mellorar a imaxe exterior de edificios públicos, equipamentos e outros elementos e instalacións de titularidade municipal, reducindo deste xeito o impacto paisaxístico que poden causar sobre a contorna.
No caso da provincia de Lugo, beneficiaranse desta convocatoria un total de 11 concellos -A Pontenova, Alfoz, Baralla, Begonte, Bóveda, Folgoso do Courel, Guntín, Mondoñedo, O Incio, O Vicedo e Trabada- por un importe total de 215.000 euros.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
