A porteira brasileña continuará a súa longa carreira deportiva no Burela FS, unha das mellores porteiras do mundo e parte da Historia deste club
Burela, 4 de agosto, 2023. Joziane de Oliveira de Oliveira, Jozi Oliveira, nomeada en numerosas ocasións mellor porteira do mundo, acorda un ano máis de contrato para defender a portería do Pescados Rubén Burela FS coa tenacidade e ambición que a caracteriza. A meta de 41 anos é a xogadora máis veterana da plantilla laranxa, na que leva xogando desde o ano 2009. Provinte do Kindermann, no que dá os seus primeiros pasos e continúa ata o mesmo ano da súa entrada no club mariñán, no que se adapta á perfección e fai carreira durante 15 tempadas contando esta próxima 2023-2024.
Un orgullo, unha honra e un enorme pracer para o club continuar contando coa nosa gran porteira por excelencia. Ademais de ser unha grandísima gardameta, Jozi tamén é psicóloga deportiva e axuda ao coordinador da base feminina, Jairo Campo, de forma moi involucrada nos equipos da base femininos das Escolas Deportivas Cabreiroá Burela FS, nos que seguirá aportando os seus amplos coñecementos como xogadora e como psicóloga deportiva. O Presidente do club, Manuel Blanco, moi orgulloso de continuar contando coa xogadora “A súa carreira no club foi impresionante con todos os títulos gañados desde que está ela, é unha referencia a nivel mundial na portería e un ano máis vai seguir axudando ao equipo para estar o máis arriba posible e tentar conseguir de novo máis títulos para o club. É unha gran profesional, leva toda a vida dedicándose a este deporte e é un orgullo seguir contando con ela un ano máis”.
A lendaria meta do Pescados Rubén bota unha mirada atrás tras tantos anos en Burela, algo co que nun principio non contaba, “non me imaxinaba isto cando vin a Burela, vin por unha experiencia que esperaba que fose durar uns poucos anos, 2-3 anos, pero aquí atopei o meu sitio, o meu club, a miña casa, unha familia,… todo. Un non se imaxina o que vai atopar e adaptarme da maneira que me adaptei, todos estes anos gozando da miña paixón dunha maneira intensa e bonita, é unha sorte. Se me preguntan nun primeiro momento, Jozi, pensas estar 15 anos nun club deportivo?, só xogando ao fútbol sala, non. Hoxe en día podes chegar a ter esa perspectiva, facer unha carreira nun club deportivo, xogando ao fútbol sala, pero hai 15 anos cando eu cheguei a Burela a cousa empezaba, como quen di, a organizarse e non me imaxinaba que fose ocorrer. Mesmo hoxe é difícil, en xeral ningunha xogadora se imaxina estar 15 anos nun mesmo club”. Fai unha valoración moi positiva de todos estes anos “eu creo que vivo o meu soño, non hai forma de valorar iso que non sexa positiva, como deportista realicei moitos soños xogando en Burela, conquistar títulos, medrarr como xogadora e como persoa. A nivel persoal estou moi ben, nun sitio bonito para vivir, para min é todo. Se estivese incómoda iríame, pero estou moi a gusto, tanto no deportivo como no persoal”. Sobre o feito de vivir lonxe da familia “si que é duro, pero ao final temos que elexir, tomar decisións na nosa vida e a min cóstame estar lonxe da miña familia pero á vez é o prezo que teño que pagar para poder vivir como vivo”.
Sobre os seus plans de futuro “o futuro é unha incógnita, a día de hoxe eu renovo a miña carreira de ano en ano, o que agora mesmo visualizo é poder xogar este ano, xogar ben e acabar ben a tempada, tanto física como psicolóxicamente, e logo tomar a decisión de se me atopo ben para seguir xogando un ano máis ou colgar as luvas en Burela. A día de hoxe non me vexo cambiando de club, polo menos para unha ou dúas tempadas, non o vexo, pero se cadra xórdeme unha oportunidade tola, das que nunca tiven e apetéceme facer un cambio e fágoo, pero non é o que está nos meus plans. Gustaríame facer unha transición tranquila, se que é verdade que ao longo destes anos tiven ofertas moi rechamantes economicamente pero preferín ter unha estabilidade e poder facer ese cambio dunha maneira tranquila, en Burela teño todo e podería retirarme e dedicarme a outras coñecendo o ambiente no que estou”.
Sobre o seu traballo na Escola Deportiva Cabreiroá Burela, na que realiza labores como psicóloga deportiva e é axudante do adestrador do equipo filial e coordinador da base feminina, Jairo Campo, “Estou moi contenta con isto, o ano pasado foi un ano de experiencias acompañando a Jairo coas cadetes e as xuvenís e foi realmente espectacular, unha experiencia moi moi bonita que me deixou as ganas de seguir. Traballar con Jairo foi unha experiencia fantástica e este ano dispostxs a seguir con estas boas sensacións, crecendo no traballo de psicoloxía e achegando ás xogadoras un pouco do que sei. Estou súper contenta, non máis que seguir xogando xa que tratar de manter os títulos este ano é un reto moi difícil para o primeiro equipo, pero isto é algo que me desafía e me motiva, estou súper contenta de poder facelo”.
Os seus obxectivos para esta tempada “O meu obxectivo persoal é estar ao 100% durante a tempada para poder ser non ter lesións nin nada, seguir coidándome físicamente e seguir aportando e rendendo co primeiro equipo. Xa coñecemos a dinámica do Burela, é un club para gañar, para estar en finais e diso se trata o traballo de cada ano. O adestrador organizará o grupo para que poidamos render ao máximo e estaremos aí pelexando polos títulos. Creo que cada vez que se pecha un ciclo e empeza outro, con novas xogadoras, hai que tratar de facer esa pasta canto antes, que teñamos unha piña, que podamos traballar, entender os conceptos de xogo e a metodoloxía do adestrador e saír á pista e render, competir e estar na final. Manter todos os títulos, algo que é moi difícil pero á vez é bonito ter ese obxectivo, oxalá todos os equipos puidesen ter eses obxectivos, de estar arriba e pelexar por todos os títulos, é un privilexio.”
Envía unha mensaxe á Familia Laranxa “Botámolos de menos, o mes de vacacións faise longo no sentido de non ter esa calor, esa enerxía e eses berros en Vista Alegre, de vivir eses momentos coa afección laranxa e que estean preparados que nós xa empezamos a poñernos a punto para a tempada. Esperámolos coma sempre, que se preparen tamén, que fagan eles tamén a pretempada, que afinen as voces porque a tempada vai ser boa”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
