Agrupacións de Serbia e Castellón e O Arco da Vella actuarán na mostra folclórica, que se celebra o 5 de agosto en San Miguel de Reinante
Lugo, 4 de agosto de 2023. Presentouse na Praza de San Marcos o XL Festival Folclórico Internacional do Emigrante, que se celebrará o 5 de agosto en San Miguel de Reinante, en Barreiros, e que conta co apoio da área de Cultura da Vicepresidencia da Deputación de Lugo.
Ensemble Nicola Tesla de Belgrado (Serbia), Grupo Danses El Raval de Vila-Real (Castellón) e a Asociación Folclórica O Arco da Vella, organizadora do encontro xunto ao Concello de Barreiros, actuarán nesta mostra internacional que é un referente festivo e cultural para a veciñanza de Barreiros e da comarca e que conta coa distinción de Festa de Interese Turístico Galego.
O deputado de Medio Rural, do Mar e Mocidade Daniel García, a deputada de Cultura Iria Castro, a alcaldesa de Barreiros Ana Ermida e integrantes de O Arco da Vella participaron no acto de presentación no que a formación barreirense ofreceu media hora de actuación, que sorprendeu a lucenses e visitantes que paseaban pola rúa San Marcos.
Daniel García agradeceu a xenerosidade das persoas que integran o Arco da Vella e recoñeceu “o traballo desinteresado e o esforzo diario por manter vivas as nosas tradicións, apostando por fomentalas entre as crianzas” e “o sentimento de pobo que levades dentro”. Valorou tamén “a aposta que desde o Concello de Barreiros se ven facendo desde o 2019 por darlle o impulso necesario ao festival, complementado nesta edición co apoio da Vicepresidencia da Deputación de Lugo, que mostran así o seu compromiso coas asociacións”
Nese senso, Ana Ermida incidiu na importancia de “ a coordinación e a colaboración entre todas as partes para organizar e seguir impulsando o Festival” e valorou o apoio institucional como “unha forma poñer en valor a autoorganización do pobo, o asociacionismo e darlle o protagonismo á hora de actuar como altofalantes das iniciativas sociais do pobo”. Destacou a orixe e o espíritu co que se celebra o Festival, que traslada “o orgullo de pertenza a unha terra que trata en pé de igualdade a outros pobos do mundo, polos que galegas e galegos nos vimos na obriga de camiñar”.
O director do Arco da Vella Enrique Penabad explicou que chegar a corenta edición é “un motivo de satisfacción e sobre todo de motivación para a propia agrupación”. “Vivimos case todo o ano en función deste día. Ese día no que podemos expresar o traballo de todo o ano, das clases, do que fomos aprendendo en todos os sitios e poder mostrarlle a eses 1500, 2000 persoas que asisten habitualmente ó festival, o que é o folclore do mundo, pero sobre todo que segue viva a tradición do folclore galego. Empezamos cun lema no ano 80,”Defendamos o noso folclore” e a día de hoxe, pensando no Festival do Emigrante, está tamén presente. Sigamos nesa liña e entre todos, defendamos o noso folclore”, concluíu.
O Arco da Vella actúa como agrupación titular no Festival, abrindo e cerrando a mostra
folclórica coas súas pezas de baile e música. A última peza que representa é sempre unha
estrea.
A Vicepresidencia da Deputación de Lugo achega 4.000 euros á organización do Festival, e colabora co Arco da Vella noutras iniciativas culturais como a Foliada do Emigrante.
Corenta anos de promoción folclore
O Festival do Emigrante naceu por iniciativa da Asociación Folclórica O Arco da Vella de San Miguel de Reinante, como unha plataforma para presentar a formación e o folclore galego ás persoas que emigraran a Europa e que no mes de agosto volvían á casa a pasar as vacacións.
Nas primeiras edición, o festival contaba coa participación de agrupacións folclóricas
da comarca, para logo ir medrando e albergar un escenario que, nas últimas edicións, acolle grupos do resto do Estado e internacionais. A organización do Festival propicia tamén intercambios que levan á agrupación de Barreiros a difundir o folclore galego con actuacións fóra de Galiza.
A Asociación Folclórico O Arco da Vella conta na actualidade conta con máis de 30 compoñentes no seu grupo titular e máis de 40 alumnoas e alumnos nas súas escolas.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
